
Îsraîlê êrişî Refahê kir: Bi dehan kes hatin qetilkirin 

2024-02-12 09:10:11


	&nbsp;

	NAVENDA NÛÇEYAN - Hat diyarkirin ku di encama bombebarana êrişa Îsraîlê ya li dijî bajarê Refahê yê li ser Şirîda Xezeyê de gelek kes hatin qetilkirin.&nbsp;

	&nbsp;

	Ajansa nûçeyan a fermî ya Filistînê WAFA’yê da zanîn ku artêşa Îsraîlê êrişî bajarê Refahê yê li Şirîda Xezeyê kir û di êrişê de zêdetirî 100 kes hatin qetilkirin. Refaha li nêzî sînorê Misrê ye û hat zanîn ku bi sedan kes di êrişê de birîndar bûne. Li gorî hinek çavkaniyan, di êrişê de nêzî 100 kesan jiyana xwe ji dest dane.&nbsp;

	&nbsp;

	Midûrê Nexweşxaneya Kuveytê Suhayb el-Hims diyar kir ku nexweşxane bi birîndarên rewşa wan gelek giran tije bûye û bi qasî tê xwestin derman û serûm nînin.&nbsp;

	&nbsp;

	Artêşa Îsraîlê jî ragihand ku bi êrişa li dijî Refahê re 2 dîlgirtiyên îsraîlî hatine rizgarkirin. Berdevkê artêşê Avichay Adraee li ser hesaba xwe ya X’ê daxuyaniyeke nivîskî da û got ku kesên bi navên Hurr û Marman ên li Refahê dihatin ragirtin û di 7’ê cotmehê de ji hêla Hamasê ve hatibûn revandin, bi “Operasyona rizgarkirinê” hatine xelaskirin.&nbsp;

	&nbsp;

	Adraee, got ku di dema operasyonê de pevçûn derketine.&nbsp;

	&nbsp;