
Li Stenbolê serdegirtinên malan: Gelek kes hatin binçavkirin

2024-02-13 11:16:37


	&nbsp;

	STENBOL - Li Stenbolê polîsan bi ser malan de girtin û gelek kes binçav kirin.

	&nbsp;

	Îro serê sibehê polîsan li navçeyên Esenyûrt, Esenler, Maltepe, Pendîk û Kagithane yên Stenbolê bi ser gelek malan de girtin. Hat zanîn ku polîsên bi ser malan de girtin tundî li şêniyên malan kirine û bi taybetî jî li Esenyûrtê bi copan li mil, dest û lingên kesên di malan de dimînin xistine û tiştên malê belav kirine.&nbsp;

	&nbsp;

	Hat diyarkirin ku binçavkirî derbasî Midûriyeta Polisan a Stenbolê hatine kirin. Der barê hejmara kesên hatine binçavkirin de agahiyek nehat bidestxistin. Ji bo dosyaya kesên hatine binçavkirin heta 24 saetan biryara bisînorkirinê hate dayîn. &nbsp;

	&nbsp;

	Navên hin kesên hatine binçavkirin wiha ne: “Şahîn Ozyildirim, Riza Kaplan, Nesîm Ozkan, Nûreddîn Aydogan, Helîn Akman, Alattîn Altintaş, Erkan Talaş û Şukru Guler, Ûmût Delîl Aksoy, Devran Kûrt, Resûl Gedlec, Melîke Akman, Mîzgîn Akman.”&nbsp;

	&nbsp;

	&nbsp;