
Li Amed û Êlihê bi ser malan de hate girtin

2024-02-14 09:02:57


	AMED -Di encama serdegirtinêm malan ên li Amed û Êlihê de gelek kes hatin binçavkirin.&nbsp;

	&nbsp;

	Îro di danê sibehê de li Amedê bi ser gelek malan de hate girtin. Di encama serdegirtinên malan ên li navçeya Rezanê de Endama Meclisa Ciwanan a Partiya Wekhevî û Demokrasiyê ya Gelan (DEM Partî) û xwendekara zanîngehê Peyam Kutlu, Bêrîvan Nergîz, Eyûp Hekîmoglû, Hêja Jiyan Arikboga, Yûsûf Yokuş û Yûsûf Taşcar hatin binpçavkirin.&nbsp;

	&nbsp;

	Welatiyên hatin binçavkirin birin Midûriyeta Emniyetê ya Bajar. Sedema binçavkirinan nehat zanîn.&nbsp;

	&nbsp;

	DI 4’Ê KANÛNÊ DE TEHLIYE BÛBÛ

	&nbsp;

	Ji binçavkiriyan Hêja Jiyan Arikboga li Girtîgeha Jinan a Amedê dihat ragirtin û di 4’ê kanûnê de tehliye bûbû. Li gel ku înfaza xwe temam kiribû jî, Lijneya Rêveberî û Çavdêriyê bi hinceta ku poşmantî qebûl nekiriye du caran tehliyeya wê taloq kir û 10 meh piştre karî ji girtîgehê derkeve. Dema derketî bal kişandibû ser çalakiyên greva birçîbûnê yên li dijî tecrîdê li girtîgehan tê domandin û wiha gotibû: “Moralê girtiyan xweş e û tenê yek peyama wan heye; ew jî mezinkirina berxwedanê ye.”&nbsp;

	&nbsp;

	SERDEGIRTINÊN LI ÊLIHÊ&nbsp;

	&nbsp;

	Di encama serdegirtinên malan ên li Êlihê de jî welatiyên bi navên Halîl Yildirim, Adnan Vural, Hamza Karaman, Kadîr Nebîoglû, Samet Aravî û Diyar Yarma hatin binçavkirin.&nbsp;

	&nbsp;

	Kesên hatin binçavkirin birin midûriyeta emniyetê û hat zanîn ku ji bo 8 kesên din jî biryara girtin û binçavkirinê hatiye dayîn. &nbsp;