
Li Sêweregê ‘Meşa Azadiyê’ 

2024-02-14 12:12:16


	&nbsp;

	RIHA - Meşvanên Azadiyê yên li Amedê bi rê ketin gihiştin Sêweregê.&nbsp;

	&nbsp;

	Siyasetmedar û nûnerên rêxistinên girseyî yên demokratîk ên di “Meşa Mezin a Azadiyê” de cih digirin duh li Amedê bûn û îro gihiştin navçeya Sêweereg a Rihayê. Meşvan, çûn serdana gora siyasetmedarê kurd Îbrahîm Ayhan ku di 2018’an de li Herêma Federe ya Kurdistanê di encama krîza dil de jiyana xwe ji dest dabû û Mahmût Zengîn ku li Girtîgeha bi Hejmara 5’an a Amedê (Zindana Amedê) xwe şewitandibû. &nbsp;

	&nbsp;

	AYHAN Û ZENGÎN HATIN BIBÎRANÎN&nbsp;

	&nbsp;

	Parlamenterê DEM Partiyê Sezaî Temellî di bîranînê de axivî û wiha got: “Îbrahîm Ayhan di têkoşînê de kesayetekî girîng bû. Tiştên wî jiyayîn, careke din anî bîra her kesî bê ka li vî welatî çi zilm û tundî heye. Em ê tiştên li wî hatine kirin ji bîr nekin. Bi biryareke vala parlamenteriya wî hate betalkirin. Wî dixwest tecrîd were rakirin. Yên ku tecrîd û înkar li vî welatî ferz kirin bûn sedema mirina wî. Ji bo ku ev tişt êdî neqewimin me dest bi vê meşê kir. Heke tecrîd hebe, hiqûq û demokrasî tune ye. Tecrîda li birêz Ocalan tê ferzkirin, di esasê xwe de li gelên Rojhilata Navîn tê ferzkirin.”&nbsp;

	&nbsp;

	Piştre jî meşvan çûn serdana gora Mahmût Zengîn. Gelek kesan di ketina goristanê de meşvan bi dirûşma “Şehîd namirin” pêşwazî kirin. Parlamentera DEM Partiyê Saliha Aydenîz li vir axivî û wiha got: “Çaran gotibû ‘Agirî nevemirînin, gur bikin.’ Di van 42 salan de ev agir gur bû û êdî kesek nikare pêşî li ber azadiya gelê kurd bigire. Bila her kes bizane ku ev agir dê me bigihîne azadî û aştiyê.”&nbsp;

	&nbsp;

	Beşdaran di bîranînê de qurnefîl danîn ser goran. Meşvanên Azadiyê pişt re heta avahiya DEM Partiyê bi dirûşmeyan meşiyan. Tevî baranê jî gelek mirovan bi çepik û dirûşmeyan piştgiriya meşê kirin.&nbsp;

	&nbsp;

	‘DI DAWIYÊ DE AZADÎ HEYE’&nbsp;

	&nbsp;

	Hevserokê Giştî ya DBP’ê Çîgdem Kiliçgun Ûçar a li ber avahiya DEM Partiyê ya navçeyê axivî, wiha got: “Di dawiya vê meşê de ji bo me hemûyan azadî heye. Tecrîda li vî welatî tê pêkanîn, pêşeroja Tirkiyeyê ipotek dike. Em dixwazin bang li kesên nasname, zimanê tune dihesibînin û pirsgirêka kurd li me ferz dikin; Rastiya birêz Ocalan a ‘ez dikarin vê pirsgirêkê di nava hefteyekê de çareser bikim’ heye. Ev bang di heman demê de li dewletê û li kesên dixwazin jiyaneke nû ava bikine. Em ji bo daxwazên mafên gelê kurd ê dest ji ziman û nasnameya xwe bernade yên mafdar bi awayekî demokratîk çarerser bibin dimeşin. Em ji bo azadiya birêz Abdullah Ocalan dimeşin. Em meş dê bibe meşa me hemûyan û ev azadî jî dê bibe ya me hemûyan. Em ê serbikevin.”

	&nbsp;

	Meş, bi dirûşmeya “Bimre koletî, bijî azadî” didome. Meşvan ber bi rawestgeha xwe ya din navçeya Curnê Reş (Hîlwanê) ve bi rê ketin.&nbsp;

	&nbsp;

	

	&nbsp;

	&nbsp;

	&nbsp;

	&nbsp;