
Li 22 bajaran 179 kes hatin binçavkirin

2024-02-14 14:36:41


	NAVENDA NÛÇEYAN -&nbsp;Di saetên serê sibê de li gelek bajaran bi ser malan de hate girtin û gelek kes hatin binçavkirin.&nbsp;

	&nbsp;

	Di serdegirtinên malan ên li gelek bajaran de gelek kes hatin binçavkirin. Sedema binçavkirinan nehate zanîn û hate diyarkirin ku dibe hejmara binçavkiriyan zêde bibe.&nbsp;

	&nbsp;

	ŞIRNEX

	&nbsp;

	Polîsan di saetên serê sibê de li navçeyên Silopiya û Hezexê jî bi ser malan de girtin û gelek kes binçavkirin. Polîsan li taxên Turgut Ozal û Atakentê yên navçeya Hezexê bi ser malan de girtin. Di serdegirtinên malan de welatiyên bi navên Medîne Oguz û Faîk Genç hatin binçavkirin.Sedema binçavkirina wan nehat zanîn û welatî birin Midûriyeta Emniyetê ya Hezexê.

	&nbsp;

	Hate diyarkirin ku li navçeya Silopiyayê jî bi serdegirtina malan de gelek kes hatine binçavkirin û dibe ku li gelemperiya bajêr hejmara binçavkiriyan zêde bibe.&nbsp;

	&nbsp;

	WAN &nbsp;

	&nbsp;

	Di çarçoveya lêpirsîna Serdozgeriya Komarê ya Wanê de li Taxa Koyîçî ya Wanê de bi ser malan de hate girtin. Di serdegirtinan de welatiyên bi navên Savaş Komî, Ferhat Takman û Ramazan Kamaç hatin binçavkirin.&nbsp;

	&nbsp;

	Sedema binçavkirinan nehat zanîn û welatî birin Şaxa TEM’a Midûriyeta Polîsan a Wanê.

	&nbsp;

	AMED&nbsp;

	&nbsp;

	Li navçeya Rezanê Bêrîvan Nêrgîz, endamên Meclisa Ciwanan a Partiya Wekhevî û Demokrasiyê ya Gelan (DEM Partî) Peyam Kûtlû, Eyup Hekîmoglû, Hêja Jiyan Arikboga, Yûsûf Yokûş, Yûsûf Taşçar, Ogûzcan Yilmaz, li Farqînê Kerem Mengîl, li Licê Tekîn Sonsûz, Mazlûm Karabenk, Diyar Gulen û Yakûp Tûran di serdegirtinên malan de hatin binçavkirin.&nbsp;

	&nbsp;

	Hate zanîn ku 12 kesên hatine binçavkirin birine Miduriyeta Polîsan a Amedê. Hate diyarkirin ku li Amedê derbarê 36 kesan de biryara girtin û binçavkirinê heye.&nbsp;

	&nbsp;

	ÊLIH&nbsp;

	&nbsp;

	Li Êlihê jî di serdegirtinên malan de Halîl Yildirim, Adnan Vûral, Hamza Karaman, Kadîr Nebîoglû, Samet Aravî û Diyar Yarma hatin binçavkirin. Hate zanîn ku li bajêr derbarê 8 kesan de biryara binçavkirinê heye.&nbsp;

	&nbsp;

	
		DAXUYANIYA YERLÎKAYA
	
		&nbsp;
	
		Wezîrê Karên Hundir Alî Yerlîkaya li ser hesaba xwe ya X'yê ragihand ku li 22 bajaran 179 kes hatine binçavkirin.&nbsp;
	
		&nbsp;


	&nbsp;