
Li gelek bajaran bi ser malan de girtin 

2024-02-15 10:30:18


	NAVENDA NÛÇEYAN - Îro serê sibê li gelek bajaran bi ser malan de hate girtin. Di encama serdegirtinan de gelek kes hatin binçavkirin.&nbsp;

	&nbsp;

	Endamên Dayikên Aştiyê û Partiya Wekhevî û Demokrasiyê ya Gelan (DEM Partî) jî di nav de gelek kes îro di serdegirtina malan de hatin binçavkirin. Li Rihayê endamê Meclisa Ciwanan a DEM Partiyê Mehmet Aslan û endamê Meclisa DEM Partiyê Îzzet Karadag hatin binçavkirin. Sedemê binçavkirina wan nehate zanîn.&nbsp;

	&nbsp;

	MÊRDÎN

	&nbsp;

	Li navçeyên Nisêbîn û Qoserê yên Mêrdînê bi ser gelek malan de girtin. Di serdegirtinên malan de Dayika Aştiyê Perîhan Altûg a 72 salî jî di nav de gelek kes hatin binçavkirin. Li navçeya Stewrê jî rêveberê DEM Partiyê Mubarek Guneş hate binçavkirin.&nbsp;

	&nbsp;

	DÊRSIM&nbsp;

	&nbsp;

	Li Dêrsimê jî di saetên serê sibê de bi ser malan de hate girtin û Besîme Gok, Leyla Arslan, Nacî Genç, Yûsûf Olmez Û Nacî Yalmaç hatin binçavkirin. Hate zanîn ku Sevîm Saglam û lawê wê Ozer Laçîn jî hatine binçavkirin. Kesên hatine binçavkirin birine Miduriyeta Polîsan a Bajêr.&nbsp;

	&nbsp;

	
		SÊRT&nbsp;
	
		&nbsp;
	
		Polîsan vê serê sibê li navenda Sêrt û navçeyên Dihê û Misircê di ser gelek malan de girtin. Li Misircê Yûnûs Emre Cangîr, Abdûllah Toka û kesekî din ku navê wî nehat zanîn, li Dihê Esmer Oktayi û keça wê Dilbirîn Oktayi û li navenda Sêrtê jî Mehmet Zahîr Saritaş, Zeynep Nas, Aysel Sartîk, Fûat Yildirim û Saniye Kaysî hatin binçavkirin.&nbsp;
	
		&nbsp;
	
		Hat zanîn ku kesên hatine binçavkirin, birine Miduriyeta Polîsan a Bajêr.&nbsp;
	
		&nbsp;
	
		HATAY
	
		
			Hevseroka DEM Partiyê ya Hatayê Seher Cevheroglû bi hinceta parvekirinên li ser medyaya dijîtal bi îdiaya “propagandaya rêxistinê” hate binçavkirin. Cevheroglû birin Midûriyeta Emniyetê ya Bajar.&nbsp;
	

	&nbsp;