
Li Geverê malbatên windakiriyan piştî 8 salan di çalakiyê de ne 

2024-02-20 09:03:48


	COLEMÊRG - Çalakiya ku malbatên girtiyan li Geverê ji ber qedexeyan neçar man navberê bidinê piştî 8 salan jinûve dest pê kir. Endama Şaxa ÎHD’a Colemêrgê Pinar Zengîn Şen, destnîşan kir ku heta windakirî bên dîtin û faîl werin darizandin dê têkoşîna wan bidome.&nbsp;

	Têkoşîna ji aliyê xizmên windakiriyan ve ji bo aşkerekirina aqûbeta xizmên xwe yên di salên 1990’î de di bin çavan de hatin windakirin û darizandina berpirsan hat destpêkirin bê navber berdewam dike.

	&nbsp;

	Têkoşîna ku Dayikên/Mirovên Şemiyê di 7’ê Gulana 1995’an de bi daxwaza “Bila windayên di bin çavan de bên dîtin, aqûbeta windakiriyan bê aşkere kirin, berpirsyar bên dîtin û darizandin” bi rûniştina li Qada Galatasarayê dest pê kir, pişt re li bajarên cuda belav bû. Yek ji bajarê ku tevî sir û seqem û zivistanê jî her hefte tên bahev navçeya Gever a Colemêrgê ye. Çalakiya li vê derê di 30’ê mijdara 2013’an de dest pê kir. Malbatên Windakiriyan ji ber qedexeyên derketina derve yên di navbera salên 2015 û 2016’an de hatin îlankirin, neçar man ku di hefteya 99’emîn a çalakiya xwe de navberê bidine çalakiya xwe.&nbsp;

	&nbsp;

	Şaxa Komeleya Mafên Mirovan (ÎHD) a Colemêrgê û malbatên windakiriyan piştî 8 salan jinûve dest bi çalakiya xwe ya ku navber dabûnê kirin. Malbatên windakiriyan ku di meha kanûnê de dest bi hatina bahevkirin, daxwazên heman tînin ziman.&nbsp;

	&nbsp;

	

	&nbsp;Endama Şaxa ÎHD’a Colemêrgê Pinar Zengîn Şen

	&nbsp;

	‘EV LÊGERÎNEKE MAF E’&nbsp;

	&nbsp;

	Yek ji rêvebera Şaxa ÎHD’a Colemêrgê Pinar Zengîn Şen, têkildarî çalakiya xwe ya jinûve dest pê kir axivî û anî ziman ku qedexeyên li bajêr bandor kirin ku navberê bidin çalakiya xwe. Şen, da zanîn ku li bajêr bi ser 70’yan de mirov winda ne û bi lêv kir ku têkoşîna wan a ji qada Galatasarayê dest pê kir û belavî bajarên din bû, têkoşîneke mafdar e.&nbsp;

	&nbsp;

	Şen, destnîşan kir ku dê di her şert û mercê de berxwedana xwe bidomînin û anî ziman ku divê rayedar ji cînayetên kiryarên ne diyar ên pêk hatin şerm bike. Zengîn di berdewama axaftina xwe de wiha ev tişt gotin: “Divê Tirkiye qet nebe bi aşkerakirina kiryaran re berdêla vê bêberpirsyariyê bide. Divê ev faîl bên darizandin û cezakirin. Ji ber vê yekê divê em têbikoşin. Li dijî kesên di sala 2016’an de hewl dan me tepisînin, tevî qedexeya çalakî û aktîvîteyan jî em ê bi biryardarî çalakiya xwe bidomînin. Ev lêgerîneke maf e. Ev sozên ku me dane malbatên mirovên hatine qetilkirine ne.”

	&nbsp;

	‘DIVÊ FAÎL BÊN CEZAKIRIN’&nbsp;

	&nbsp;

	Zengîn, destnîşan kir ku dest ji lêgerîna windayan û pirsîna aqûbeta wan bernadin û ev tişt gotin: “Yekane rêya çareseriyê heye; divê kujerên cînayetên kiryarên nediyar bên aşkerekirin û cezakirin. Tevî vê yekê divê bedenên zarok û xizmên wan radestî malbatên me bên kirin. Em qet dest ji vê têkoşîna mafdar bernadin. Bila kûjer bên dîtin, bedenên cînayetên kiryarên nediyar radestî me bên kirin.”

	&nbsp;

	MA / Mazlûm Engîndenîz&nbsp;