
Di doza Apartmana Gozdeyê de hemû daxwaz hatin redkirin 

2024-02-21 12:08:31


	&nbsp;

	DÎLOK - Di doza Apartmana Gozdeyê de ku 25 kesan jiyana xwe ji dest dabûn, hemû daxwazên parêzeran hatin redkirin.&nbsp;

	&nbsp;

	Di erdheja 6’ê Sibatê ya Dîlokê de Apartmana Gozdeyê ya li navçeya Islehiyeyê hilweşiya bû û 25 kesan jiyana xwe ji dest dabûn. Têkildarî mijarê doz hatibû vekirin û 4’emîn danişîna dozê li Dadgeha Cezayên Giran a Islehiyeyê hate lidarxistin. 5 bersûcên bi sûcê “bi qisûriya xwe ya bizanebûn re bûn sedema mirin û birîndarbûna gelek kesan” tên darizandin, te li danişînê nebûn. Xizmên kesên jiyana xwe ji dest dayîn û parêzerên aliyan di danişînê de amade bûn.&nbsp;

	&nbsp;

	Danişîn, bi tespîtkirina nasnameyan dest pê kir û piştre jî ji parêzerên malbatên mexdûr Ergîn Sozen parastin kir.&nbsp;

	&nbsp;

	Sozen, têkildarî darizandinên berê mînak pêşkeşî şandeya dadgehê kir û xwest ku bersûc ji sûcê “Qesda bizanebûn” bên darizandin. Her wiha Sozen, xwest ku ji ber kêmaniyên di rapora kesê pispor de ev rapor dîsa bê amadekirin, ji Yekitiya Baroyan a Tirkiyeyê (TBB) muzekere were nivîsandin û jê were pirsîn bê ka derheqê Apartmana Gozdeyê de rapor/girtek amade kirine yan na, ji ber ku di dosyayê de rapora etûta zemîn nîne lewma di vê xisûsê de lêkolîn were kirin û xwe li benda lêpirsîna derheqê peywirdarên cemaweriyê de bigirin.&nbsp;

	&nbsp;

	Şandeya dadgehê piştî navberê biryara xwe da. Şandeyê, tevahiya daxwazên parêzeran red kilr û danişîn taloqî 5’ê hezîrana 2024’an kir.&nbsp;

	&nbsp;

	TU BERSÛC NEHATINE GIRTIN&nbsp;

	&nbsp;

	Piştî karesatê, Serdozgeriya Komarê ya Islehiyeyê lêpirsîn dabû destpêkirin û têkildarî bersûcên girtî mitehidê avahiyê Alî Ş. û berpirsyarê bicihanîna teknîkê Seyfettîn K. û bersûcên bi şertê kontrola edlî dihatin darizandin Devrîm Y., Îbrahîm Ç. û Kamîl Ç. de îdianame amade kir. Bersûc bi sûcê “Bi qisûriya bizanebûn bûn sedema mirin û birîndarbûna gelek kesan” hatin darizandin û ji 2 sal û 8 mehan heta 22 sal û 6 mehan ceza hat xwestin.&nbsp;

	&nbsp;

	Di danişîna berê de tevahiya bersûcan hatin tehliyekirin û tevdîra kontrola edlî ya derheqê bersûcan de jî hatibû rakirin.&nbsp;

	&nbsp;