
Edîtorê MA’yê Sedat Yilmaz beraet kir 

2024-02-29 10:26:59


	&nbsp;

	AMED - Edîtorê MA’yê Sedat Yilmaz ku bi îdiayên “endamtiya rêxistinê” û “avakirin û birêvebirina rêxistinê” dihat darizandin, beraet kir.&nbsp;

	&nbsp;

	Duyemîn danişîna doza edîtorê Ajansa Mezopotamyayê (MA) Sedat Yilmaz ku di 29’ê nîsanê di çarçoveya lêpirsîna navenda wê Enqereyê de hatibû binçavkirin û di 3’yê Gulanê Roja Azadiya Çapemeniyê ya Cîhanê de hatibû girtin û bi îdiayên “endamtiya rêxistinê” û “Avakirin û birêvebirina rêxistinê” tê darizandin, li 4’emîn Dadgeha Cezayên Giran a Amedê hat lidarxistin.&nbsp;

	&nbsp;

	Yilmaz û parêzerên xwe di danişînê de amade bûn. Nûnerên gelek rêxistinên civaka sivîl jî danişîn şopandin.&nbsp;

	&nbsp;

	Dozger xwest ku ceza li Yilmaz were birîn. Yilmaz, diyar kir ku ji bo nûçeyan çûye Qendîl û Pirsûsê ev yek weke sûc hatiye nîşandan. Yilmaz, nûçeyên çêkirî pêşkeşî dadgehê kir. Yilmaz, got ku îfadeyên şahid hev nagirin û xwest beraet bike.&nbsp;

	&nbsp;

	Parêzera Yilmaz, Şûle Recepoglû jî diyar kir ku di lêpirsînê de lêkolîneke baş nehatiye kirin û got ku bi qeydên HTS’ê, qeydên hotêlên miwekîlê wê lê ma ye û xebatên rojnamegeriyê re dozger hewl daye îdiayên xwe xurt bike.&nbsp;

	&nbsp;

	Parêzerê Yilmaz Veysel Ok jî anî ziman ku îdiayên dozgeriyê delîla rojnamegeriya Yilmaz in. Parêzer Resûl Temûr jî da zanîn ku îfadeyên şahidê nepen divê esas neyên girtin.&nbsp;

	&nbsp;

	Dadgehê ji bo Yilmaz biryara beraetê da û biryara qedexeya derketina derveyî welat jî betal kir.&nbsp;