
Di dema sirgunê de îşkence li girtiyan kirin: Dest, ling û çavên wan hatin girêdan 

2024-02-29 11:10:33


	SAMSUN - Dema 4 girtiyên siyasî ji Denîzliyê sirgunî Samsunê hatin kirin, di rê de dest, ling û çavên wan hatin girêdan û îşkence lê hate kirin.&nbsp;

	4 girtiyên siyasî yên li Girtîgeha Tîpa T a Denîzliyê dihatin ragirtin, di 22’yê sibatê de sirgunî Girtîgeha Tîpa S a bi Ewlekariya Bilind a Samsunê hatin kirin. hat diyarkirin ku di dema sirgunê de îşkence li girtiyan hate kirin.&nbsp;

	&nbsp;

	Ayşegul Mûratoglû ku birayê wê Halîl Mûratoglû jî di nava wan girtiyan de ye, da zanîn ku birayê wê û girtiyên din di dema sewqkirinê de hatine îşkencekirin.&nbsp;

	&nbsp;

	Mûratoglû, diyar kir ku li ser telefonê bi birayê xwe re axiviye û ev agahî parve kir: “Birayê min got ku dema hatin sirgunkirin, di rê de dest, ling û çavên wan hatine girêdan û di tevahiya rê de îşkenceya fîzîkî û psîkolojîk li wan hatiye kirin.”&nbsp;

	&nbsp;

	Bi domdarî Mûratoglû ragihand ku ji ber tundiya li wan hatiye kirin paresû û zikê wî pir diêşe û bang li rêxistinên hiqûqê û parastvanên mafên mirovan kir ku hesabê ji berpirsyarên vê îşkenceyê bipirsin.&nbsp;

	&nbsp;