
Xelata ‘Aştî, Dostanî û Demokrasiyê’ dan Dayikên Şemiyê 

2024-03-05 14:50:54


	AMED - Odeya Bijîşkan a Amedê ragihand ku îsal xelata “Aştî, Dostanî û Demokrasiyê” dane Dayikên/Mirovên Şemiyê.

	&nbsp;

	Odeya Bijîşkan a Amedê têkildarî xelata “Aştî, Dostanî û Demokrasiyê” ku ji sala 1996’an ve dide li avahiya şaxa xwe civîna çapemeniyê li dar xist. Li eywana ku civîn lê hate lidarxistin pankartên bi kurdî û tirkî li ser “Ji tenduristî û azadiyê sexberî nabe” dinivîsî, “Dest nede TTB’a (vîna) me” û “Bijîşktî nikare bê darizandin, TTB nikare bê bêdengkirin” hatin daliqandin. Endamên Komeleya Mafên Mirovan (ÎHD), Sendîkaya Kedkarên Xizmetên Civakî û Tenduristiyê (SES), Bijîşkên Diranan, Yekitiya Odeyên Avahîsaz û Endezyaran a Tirk (TMMOB) û Sendîkaya Kedkarên Perwerde û Zanîstê (Egîtîm Senê) beşdar bûn. Di daxuyaniyê de Elîf Tûran axivî û da zanîn ku Odeya Bijîşkan a Amedê îsal xelata “Aştî, Dostanî û Demokrasiyê” dane Dayikên/Mirovên Şemiyê.

	&nbsp;

	‘PÊKANÎNÊN DIJDEMOKRATÎK HER KU DIÇE ZÊDE DIBIN’&nbsp;

	&nbsp;

	Tûran, destnîşan kir ku li herêmê di serdemeke ku polîtîkayên ne aştiyane tên meşandin re derbas dibin û wiha got: “Em di pêvajoyeke awarte ku bi deh hezaran kesên daxwaza aştiyê dikirin û têkoşîna lêgerîna maf didan hatin girtin, bi tinehesibandina vîna gel re pêkanînên qeyûman dewam kirin, akademîsyen hatin qirkirin, çapemenî di bin zext û sansureke giran de bû, kesî xwe di bin ewlekariya qanûnî de nedît û pêkanînên antî demokratîk dewam kir de derbas bûn, hêj jî vê pêvajoyê dijîn.” Tûran, bi lêv kir ku tevî zext û binçavkirin û girtinan hêviya xwe ya welatek û cîhaneke di nava aştiyê de mezin kirine.&nbsp;

	&nbsp;

	JI DAYIKÊN ŞEMIYÊ RE XELAT

	&nbsp;

	Tûran da zanîn ku biryar dane xelatê bidin Dayikên/Mirovên Şemiyê yên tevî hemû astengiyên keyfî û bêhiqûqî dest ji pirsîna aqûbeta xizmên xwe bernedane û di daxwazên xwe de israr dikin û ji 27’ê gulana 1995’an ve her roja şemiyê li Qada Galatasarayê bi awayekî aştiyane çalakiya xwe didomînin.&nbsp;

	&nbsp;

	Tûran, diyar kir ku dê merasîma xelatê di 9’ê adarê roja Şemiyê saet di 14.00’an de li Eywana Konferansê ya Tahîr Elçî ya Baroya Amedê pêk were.&nbsp;

	&nbsp;

	&nbsp;