
Li Bakur û Rojhilatê Sûriyeyê bi hezaran kes diherikin qadan

2024-03-21 11:45:18


	&nbsp;

	NAVENDA NÛÇEYAN - Ji bo Newroza ku li 8 navendên cuda yên Bakur û Rojhilatê Sûriyeyê dê were pîrozkirin bi hezaran kesan dest bi herikîna qadan kirin.&nbsp;

	&nbsp;

	Li Bakur û Rojhilatê Sûriyeyê dê îro li 8 herêmên cuda pîrozbahiyên Newrozê bên kirin. Gelên Bakur û Rojhilatê Sûriyeyê bicoş û kelecana Newrozê diherikin qadan.&nbsp;

	&nbsp;

	Newroza 2024’an ku bi dirûşmeya, “Ji Abdullah Ocalan re azadî, ji pirsgirêka kurd re çareserî” dê li Dêrik, Girkê Legê, Tirbespiyê, Qamişlo, Amûdê, Dirbêsiyê, Hesekê û Reqayê were pîrozkirin.&nbsp;

	&nbsp;

	Pîrozbahiyên ku dihatin plankirin li Kobanê, Heleb û Şehbayê bên kirin ji ber şertên hewayê yên neyînî hatin taloqkirin.&nbsp;

	&nbsp;

	Gelên kurd, ereb, suryan, tirkmen û ermen ku li bajarên Newroz lê were pîrozkirin dijîn, di saetên serê sibê de dest bi herikîna qadên Newrozê kir.&nbsp;

	&nbsp;

	Li bajarên ku pîrozbahî lê bên kirin bi armanca ewlehiya gel ji aliyê Hêzên Ewlehiya Hundirîn ve bergiriyên pêwîst hatin wergirtin.&nbsp;

	&nbsp;

	&nbsp;