
Li kolanên Îdirê serkeftina hilbijartinê: Bijî Serok Apo 

2024-04-01 08:15:02


	ÎDIR- &nbsp;Xelkê Îdirê li dijî AKP-MHP û tevahiya sazî û kadroyên dewletê serkeftineke mezin bi dest xist. Xelkê bajar li kolanan serkeftina xwe bi dirûşma “Bijî Serok Apo” pîroz kir.&nbsp;

	&nbsp;

	Partiya Wekhevî û Demokrasiyê ya Gelan (DEM Partî) tevî hêza AKP-MHP û dewletê jî li Îdirê serkeftineke mezin bi dest xist. Xelkê bajar heta serê sibehê serkeftina xwe pîroz kir. Ji sedî 90’î sindoqan hatine vekirin û li gorî encaman, namzetên hevşaredariyê yên DEM Partiyê Mehmet Nûrî Guneş û Nejla Kum bi rêjeya ji sedî 52 bi ser ketin.&nbsp;

	&nbsp;

	Çar navçe û 2 bajarokên din jî ketin destên partiyên din ên siyasî.&nbsp;

	&nbsp;

	BI DIRÛŞMA ‘BIJÎ SEROK APO’ MEŞ LI DAR XISTIN&nbsp;

	&nbsp;

	DEM Partiyê li pêşiya buroya hilbijartinê ya Zagrosê ya li ser Cadeya Cumhuriyetê pîrozbahî li dar xist. Di pîrozbahiyê de stran hatin gotin, tililî hatin avêtin û fîşekên hewayî hatin teqandin. Girseyê dirûşmên “Em ê bi berxwedanê bi ser kevin” û “Bijî Serok Apo” berz kir. Piştre jî ciwanan rê ji trafîkê re girt û govend gerand. Ciwanan bi dirûşma “Bijî Serok Apo” meş li dar xist.&nbsp;

	&nbsp;