
Li Bakur û Rojhilatê Sûriyeyê efû hate ragihandin 

2024-04-06 16:00:04


	&nbsp;

	NAVENDA NÛÇEYAN - Meclisa Gel a Bakur û Rojhilatê Sûriyeyê bi boneya Cejna Remezanê ji bo girtiyan efû derxist.&nbsp;

	&nbsp;

	Meclisa Gelan Demokratîk a Herêma Bakur û Rojhilatê Sûriyeyê civîna xwe ya 96’an li dar xist. Desteya hevserokatiyê, endamên Meclisên Gelan ên 7 kantonan, Meclisa Edaleta Civakî ya herêmê tev li civînê bûn. Civîn li hola civînan a Rêveberiya Xweseriya Demokratîk a Reqayê li dar ket.

	&nbsp;

	Di civînê de meclisê biryareke efûyê erê kir ku li gorî wê sûcên beriya 06.04.2024’an hatine kirin, tên efûkirin. Biryar bi boneya Cejna Remezanê hate dayîn.&nbsp;

	&nbsp;

	Lê belê kesên ji sûcên terorê, bazirganiya tiryakê, fealiyetên li dijî Rêveberiya Xweser, sûcên li dijî jinan, destdirêjî û bazirganiya mirovan girtî nakevin ber efûyê.&nbsp;

	&nbsp;