
Qeyûma Cizîrê di 2 mehan de 101 kes girtiye kar 

2024-04-07 09:06:54


	ŞIRNEX - Derket holê ku qeyûma Cizîrê di nava 2 mehan de 101 kes girtiye kar.&nbsp;

	Şaredariya Cizîrê ya Şirnexê ku ev 8 sal in ji hêla qeyûm ve tê birêvebirin, di hilbijartinên rêveberiyên herêmî yên 31’ê Adarê de kete destê rêveberiya Partiya Wekhevî û Demokrasiyê ya Gelan (DEM Partî). Piştî DEM Partiyê şaredarî bi dest xistî, bêusûltiyên rêveberiya qeyûm jî derdikevin holê. Yek ji van bêusûliyan jî wergirtina karkeran a şaredariyê ye.&nbsp;

	&nbsp;

	Hat zanîn ku qeyûma Cizîrê di nava 2 mehên dawî de 101 kes girtiye kar. Derket holê ku ji van karkeran 65 jê 10 roj beriya hilbijartinê hatine girtin.&nbsp;

	&nbsp;

	Bi karkerên herî dawî wergirtine kar re hejmara xebatkarên şaredariyê dreket 761 kesan û ji van 120 jê memûr, 17 jê memûrên bipeyman, 57 karkerên kadro û 567 jî xebtkarên şîrketê ne.&nbsp;

	&nbsp;

	MA / Omer Akin

	&nbsp;