ROJEVA 16'Ê GULANA 2024'AN

2024-05-16 09:00:04


	 

	* Jîn Art, wê bi orkestraya Rastak û NÇM'ê di 20'ê Gulanê de konsereke mezin li dar bixe. Ji bo konserê banga tevlibûnê hat kirin. 

	 

	* Ji bo tayinkirina mamosteyên kurdî wekî kontejan 10 mamoste hatin diyarkirin. Edîtora Kovara Destarê Jîn Aryenê bertek nîşanî vê yekê da û got: "Hezar mamosteyan jî tayin bikin wê ev pirsgirêk bidome. Divê kurdî bibe zimanê perwerdehiyê." 

	 

	* Komeleya Çand û Hunerê ya Serhedê, wê li tetwanê hefteyekê li kuçeyekê atolyeya çand û hunerê li dar bixe. 

	 

	* Karê zehmet ê karkerên çandiniyê yên demsalî dest pê kir. Xeyalên zarokên ku 6 mehan li nav zeviyan derbas dikin ji destê wan tê girtin. Jin jî di bin barê giran ê rola ku ji wan re hatiye diyarkirin de diperçiqin. 

	 

	* Mehmet Selîm Soydan, bavê Rêber Soydan ê ku li girtîgehê bi awayekî guman jiyana xwe ji dest da, got: "Ez bawer nakim ku kurê min xwe kuştibe. Divê bûyer bê ronîkirin." 

	 

	* Welatiyên Sêrtê diyar kirin ku ji bo nifşên nû hînî zimanê dayikê bibin berpirsyartiyeke mezin dikeve ser milê malbatan û wiha gotin: “Mirov li cihê ku bi zimanê xwe neaxive tune dibe.” Welatiyan ji bo zimanê kurdî banga têkoşînê kirin. 

	 

	* Dê danişîna biryarê ya Doza Kobanê bê lidarxistin. Hevserokên Giştî yên DEM Partiyê beriya danişînê dê li ber Kampusa Girtîgeha Sîncanê daxuyaniyê bidin. (10.00) ZINDΠ

	 

	* DEM Partî têkildarî Doza Kobanê dê li Parka Koşûyolû ya li Amedê daxuyaniyê bide çapemeniyê. (12.00) 

	 

	* Rêxistinên elewiyan û EGEÇEP dê têkildarî projeyên madenan ên li Dêrsimê li avahiya Komeleya Piştevaniyê û Çandê ya Dêrsimê ya Îzmîrê daxuyaniyê bide çapemeniyê. (13.00) 

	 

	* DEM Partî dê li bajarokê Periyê ku dê dîsa hilbijartin lê bê kirin, dê starta xebatên hilbijartinê bide destpêkirin. (15.00) 

	 

	* Nobeta Edaletê ya Emîne Şenyaşar a li Enqereyê dê bidome. (15.00) 

	 

	* Li Wan û navçeya Farqîn a Amedê dê bi boneya 15’ê Gulanê Cejna Zimanê Kurdî hin aktîvîte bên lidarxistin.