
Doza rojnameya Ozgur Gundemê hate taloqkirin 

2024-05-29 14:18:06


	STENBOL - Doza ku kesên tev li kampanyaya Gerînendetiya Weşanê ya Rojnajeya Ozgur Gundemê bûbûn jê dihatin darizandin, ji bo temamkirina kêmasiyên di dosyayê de hate taloqkirin.&nbsp;

	&nbsp;

	Rojnameya Ozgur Gundemê bi Biryarnameya di Hukmê Qanûnê de (KHK) hatibû girtin. Li Seroka Konseya Navendî ya Yekitiya Bijîşkên Tirk (TTB) Prof. Dr. Şebnem Korur Fîncanci, rojnameger û nivîskar Ahmet Nesîn û rojnameger Erol Onderoglû ku tev li kampanyaya Gerînendetiya Weşanê ya Nobedar a Rojnameya Ozgur Gundemê bûbûn, doz hatibû vekirin. Danişîna 10’an a doza bi îdiayên “Ji bo sûc were kirin sor kiriye”, “Pesindayîna sûc û sûcdar” û “Propagandaya rêxistinê” hatibû vekirin, li 13’emîn Dadgeha Cezayên Giran a Edliyeya Stenbolê ya li Çaglayanê hate lidarxistin.&nbsp;

	&nbsp;

	Onderoglû û parêzerê wî Abbas Yalçin di danişînê de amade bûn û yên din tev li nebûn. Daxwaznameya hincetê ya kesên tev li nebûn hatin pêşkeşkirin.&nbsp;

	&nbsp;

	Dozger û parêzer Abbas Yalçin xwestin kêmasiyên di dosyayê de bên temamkirin.&nbsp;

	&nbsp;

	Şandeya dadgehê jî daxwaz qebûl kir û ji bo temamkirina kêmaniyên di dosyayê de doz taloqî 10’ê cotmehê kir.&nbsp;

	&nbsp;