
Colemêrgî li dijî qeyûm li ser pêyan e 

2024-06-03 23:08:32


	&nbsp;

	COLEMÊRG – Li Colemêrgê bi beşdariya Hevserokên Giştî yên DBP'ê û bi sedan kesî meş hat lidarxistin. Di meşê de ji bo daxuyaniya ku wê sibê bê dayîn bang li gel hat kirin.&nbsp;

	&nbsp;

	Bi beşdariya Hevserokên Giştî yên Partiya Herêmên Demokratîk (DBP) Çîgdem Kiliçgun Ûçar û Keskîn Bayindir û parlementerên Partiya Wekhevî û Demokrasiyê ya Gelan (DEM Partî) yên herêmê û bi sedan kes tevî deropêça polîsan jî li dijî tayinkirina qeyûm meşiyan.

	&nbsp;

	Di dema meşê de Cîgirê Hevserokatiya Giştî ya DEM Partiyê ê Ji Rêveberiyên Xwecihî BErpirsiyar Ruştu Tiryakî bang li gel kir û got: "Em li dijî xespkirina vîna gelê Colemêrgê li vir in. Em ê xwedî li vîna gelê xwe derkevin. Em ê xespkirina vîna xwe û rejma qeyûmtiyê qebûl nekin. Em bang li hemû gelê xwe dikin ku sibê xwedî li vîna xwe derkevin."&nbsp;