
Li Koln û Winterthûrê xespkirina vîna gel hat protestokirin

2024-06-04 07:51:36


	&nbsp;

	NAVENDA NÛÇEYAN - Tayînkirina qeyûm a li Şaredariya Colemêrgê li bajarê Koln ê Almanyayê û bajarê Winterthûr ê Swîsreyê bi çalakiyan hate protestokirin.

	&nbsp;

	Li Şaredariya Colemêrgê ku Partiya Wekhevî û Demokrasiyê ya Gelan (DEM Partî) di 31’ê Adarê de bi dest xistibû, cara sêyemîn qeyûm hate tayînkirin. Li dijî xespkirina Şaredariya Colemêrgê li bajarê Koln ê Almanyayê û li bajarê Winterthûr ê Swîsreyê çalakî hatin lidarxistin.

	&nbsp;

	KOLN

	&nbsp;

	Girseya ku bi pêşengiya Navenda Civaka Kurd a Demokratîk a Kolnê li Bahnhofvorplatzê li hev civiyan, ji aliyê faşîzma AKP-MHP’ê ve tayînkirina qeyûmê li Şaredariya Colemêrgê protesto kirin.

	&nbsp;

	Li ser navê rêveberiya Dîe Lînke Kolnê Vedat Akter mafê axaftinê girt û binçavkirina Mehmet Siddik Akiş û tayînkirina qeyûmê li şaredariyê şermezar kir.

	&nbsp;

	Li ser navê DKTM’ê jî Sîdar Ayhan axivî û anî ziman ku ew ê polîtîkayên qeyûman qebûl nekin û her tim bi şaredariyên DEM Partiyê re di nava piştevaniyê de bin.

	&nbsp;

	WINTERTHÛR

	&nbsp;

	Faşîzma AKP-MHP’ê ku vîna xelkê Colemêrgê xesp kir, li bajarê Wînterthûr ê Swîsreyê bi çalakiyeke hat protestokirin. Endamê Dîwana Hevserokatiya KCDK-E’yê Mûsa Farisogûllari ku li ser navê Kurdistaniyên ku li ser banga Naveda Civaka Kurd a Demokratîk a Winterthûr (CDK) li Bahnsofplatzê li hev civiyan, axivî diyar kir ku faşîzma AKP-MHP’ê di hilbijartinên 31’ê Adarê de bi bikaranîna hemû derfetên dewletê li gelek bajaran hilbijêran veguhest û tevî wê yekê jî vîna gelê kurd bi ser ket. &nbsp;

	&nbsp;

	Farisogûllari diyar kir ku desthilata faşîst di hilbijartinên ku duh li Curnê Reşê hat nûkirin de careke din têk çû û ji bo tola xwe rake xespkirina vîna gel xist dewrê.

	&nbsp;

	Farisogûllari bi bîr xist ku xespkirina vîna xelkê Wanê bi berxwedanê hat têkbirin û wiha got: “Vê carê dixwazin îradeya xelkê Colemêrgê teslîm bigirin. Em Kurdistaniyên li Ewropayê dijîn, li dijî xespkirina vîna xelkê Colemêrgê li qadan bin.

	&nbsp;

	WÊ ÎRO LI GELEK NAVENDÊN SWÎSREYÊ ÇALAKÎ BÊN LIDARXISTIN

	&nbsp;

	Kurdistaniyên li Swîsreyê dijîn wê îro li gelek qadan dakevin qadan û xwedî li vîna xelkê Colemêrgê derkevin.

	&nbsp;

	Navnîşana çalakiyên ku bi pêşengiya Konseya Kurd a Demokratîk a Swîsre (CDK-S) û Yekîtiiya Jinên Kurd a Swîsreyê bê lidarxistin wiha ne:

	&nbsp;

	Zurîh

	&nbsp;

	Saet: 14.00

	&nbsp;

	Pêşiya Konsolosxaneya Tirk

	&nbsp;

	Weinbergstrasse 65, 8006 Zurich

	&nbsp;

	Lozan

	&nbsp;

	Saet: 18.00

	&nbsp;

	Pêşiya kilîse

	&nbsp;

	Rue Saint-Laurent, 1003 Lausanne

	&nbsp;

	Cenevre

	&nbsp;

	Saet: 18.00

	&nbsp;

	Pêşiya postexaneya mezin

	&nbsp;

	Rue du Mont-Blanc 18, 1201 Genève

	&nbsp;

	&nbsp;