
DEM Partî ji bo çalakiya protestoya qeyûm a li Şîşhaneyê bang kir

2024-06-08 12:34:55


	&nbsp;

	STENBOL - Parlamenterên DEM Partiyê yên Stenbolê û hevserokên bajar ji bo çalakiya protestoya qeyûm a ku dê îro li Qada Şîşhaneyê bê li dar xistin banga tev li bûnê kirin û wiha gotin: “Werin em bi hev re li dijî qeyûm dengê xwe bilind bikin.”&nbsp;

	&nbsp;

	Hêzên Ked û Demokrasiyê yên Stenbolê dê li dijî tayînkirina qeyûm a Şaredariya Colemêrgê îro saet 19.00’an li Qada Şîşhaneya Beyoglûyê bi dirûşma “Stenbol ji bo Colemêrgê bi ser piya ye” çalakiya protestoyê li dar bixin.&nbsp;

	&nbsp;

	Berî çalakiya ku dê gelek nûnerên partiyên sivîl û rêxistinên civakî yên demokratîk tev li bibin Berdevkê Kongreya Demokratîk a Gelan (HDK) Cengîz Çîçek, Parlamentera Partiya Wekhevî û Demokrasiyê ya Gelan (DEM Partî) a Stenbolê Çîçek Otlû û hevserokên DEM Partiyê yên Stenbolê bangawaziya tev li bûnê kirin.&nbsp;

	&nbsp;

	‘EM LI DIJÎ QEYÛM BI HEV RE DENGÊ XWE BILIND BIKIN’

	&nbsp;

	Siyasetmedarên ku pêşmalkên li ser “Bicehnime qeyûm” li xwe kiribûn, bangên xwe bi kurdî û tirkî kirin û wiha gotin: “Em hemû Stenboliyan vedixwînin çalakiya îro ya “Stenbol ji bo Colemêrgê li ser piya ye”. Em saet 19.00’an li Şîşhaneyê ne. Banga me ya ji hemû ciwan, jin û kadkaran ev e; werin em bi hev re li dijî qeyûm dengê xwe bilind bikin.”

	&nbsp;