
Girtiyê ku zor lê hat kirin qenata xwe ya der barê Ocalan de eşkere bike berdana wî hat taloqkirin

2024-06-21 11:29:27


	ENQERE - Desteya Îdarî û Çavdêriyê ya girtîgehê zorê li girtî Naîf Îşçî kir ku qenata xwe ya der barê Abdullah Ocalan de rave bike. Lewma berdana Îşçî 3 meh hat taloqkirin. Îtaraza li dijî biryarê hatibû kirin jî hat redkirin.&nbsp;

	Naîf Îşçî hê 14 salî ye bi îdiaya ku li baxçeyê mala wan molotofkokteylî hatiye dîtin, di 26’ê sibata 2011’an de li navçeya Cizîrê ya Şirnexê ewilî tê binçavkirin û paşê tê girtin. Tê îdiakirin ku Îşçî tev li xwepêşandanên li navçeyê bûye û vê jî dikin hinceta girtina wî. Dadgeha Destûra Bingehîn her çiqas îdiayên “ne endamê rêxistinê be jî li ser navê rêxistinê sûc kiriye” û “bêdestûr madeyên talûke li cem xwe girtiye” betal kiribû jî lê dadgehê der barê Îşçî de doz vekir. Doza ji aliyê 4’emîn Dadgeha Cezayê Giran a Amedê ve hatibû vekirin û bi giştî 14 sal û 2 meh ceza li Îşçî hatibû birîn.&nbsp;

	&nbsp;

	BI DARÊ ZORÊ QENATA WÎ HAT RAVEKIRIN&nbsp;

	&nbsp;

	Îşçî li girtîgehên cuda tê ragirtin û ji roja hatiye girtin heta niha 4 caran cezayê disîplînê lê hatiye birîn û lewma ji berdana bi şert sûd wernegirt. Piştî înfaza cezayên disiplînê yên Îşçî qediya divê bi şert bihata berdan û ji bo vê jî di 6’ê gulanê de ji Girtîgeha Tîpa T’yê ya Xelatê derxistin pêşberî Desteya Îdareyê û Çavdêriyê ya girtÎgehê. Lê belê belê beriya derxin pêşberî desteyê, dozgerê girtîgehê bi rêya SEGBÎS’ê li gel Îşçî hevdîtinê kir. Madeya 25’emîn her çiqas dibêje, “Her kes xwedî azadiya raman û qenata xwe ye. Her çis edem û bi çi armancê dibe bila bibe, bi darê zorê kes dikare raman û qenata xwe rave neke. Kes bi sedema raman û qenata xwe nikare bê şermezarkirin, sûcdarkirin” jî lê dozger zorê li Îşçî kir û pirsa “Fikr û ramanê te ya der barê PKK’ê û Abdullah Ocalan de çi ye” jê kir. Îşçî bersiva dozger da û got: “Ez naxwazim der barê PKK û Abdullah Ocalan de biaxivim.”&nbsp;

	&nbsp;

	DESTEYÊ JÎ PIRSA DOZGER KIRIYE&nbsp;

	&nbsp;

	Paşê Îşçî derxistin pêşberî Desteya Îdare û Çavdêriyê û desteyê zorê li Îşçî kir ku qenata xwe ya der barê Ocalan de rave bike. Gelek pirsên çewt û matmayî ji Îşçî hatin kirin û Îşçî ji desteyê re gotiye ew naxwaze pirsên wan bibersivîne.&nbsp;

	&nbsp;

	BERDANÊ TALOQ KIRIYE

	&nbsp;

	Desteya Îdare û Çavdêriyê li ser bersivdayîna Îşçî rewşa berdana wî nirxandiye û gotiye, “Bersivên wî bi nakokî ne û wî di oxira armancekî de beyanên xwe aniye ziman.” Desteyê bi piraniya dengan, berdana Îşçî betal kir û sê meh taloq kir. Dê rewşa berdana Îşçî di 6’ê tebaxê de dîsa bê nirxandin.&nbsp;

	&nbsp;

	SERLÊDAN JÎ HATIN REDKIRIN&nbsp;

	&nbsp;

	Îşçî li idjî biryara desteye serî li Dadgeriya Înfazê ya Tetwanê da û xwest bila biryar bê betalkirin. Dadgeriyê biryara desteye parve kir û di 12’ê hezîranê de serlêdana Îşçî red kir. Li ser vê yekê Îşçî serî li Dadgeha Cezayê Giran a Tetwanê da. Vê dadgeha ku jê re bilind tê gotin jî serlêdana Îşçî red kir.&nbsp;

	&nbsp;

	ÇÛ ROJEVA MECLISÊ&nbsp;

	&nbsp;

	Parlamentera DEM Partiyê ya Şirnexê Newroz Uysal Aslan rewşa neberdana Naîf Îşçî bir rojeva Meclisê û bi pêşniyanameyek rewşa wî ji Wezîrê Dadê Yilmaz Tunç pirs kir.&nbsp;

	&nbsp;

	MA / Mehmet Aslan

	&nbsp;