
Li Dêrikê ji bo şerê malbatan mezin nebe bang li siyasetmedaran hat kirin

2024-06-22 16:44:25


	MÊRDÎN - Li navçeya Dêrikê di navbera du malbatan de şer qewimîbû û kesek miribû û kesek jî birîndar bûbû. Gundiyan ji bo bûyer mezin nebin bang li siyasetmedaran û rûspiyan kirin ku pêşî li vê yekê bigirin.&nbsp;

	&nbsp;

	Li gundê Zohok û Elaskû yên bi ser navçeya Dêrika Mêrdînê ve çend roj berê di navbera malbatên Derîn û Temel de ji ber sedemek nayê zanîn şer qewimîbû. Di şer de welatiyê bi navê Ramazan Temel di şer de bi giranî birîndar bûbû û li nexweşxaneyek Rihayê tê dermankirin. Hat zanîn ku Temel felc bûye.&nbsp;

	&nbsp;

	JI MALBATA DERÎN KESEK HAT KUŞTIN&nbsp;

	&nbsp;

	Duh jî ji malbata Derîn, Resûl Derîn li navçeya Artûklû ya Mêrdînê bi êrişekê re rû bi rû ma û bi giranî birîndar bûbû. Resûl Derîn li nexweşxaneya Mêrdînê tevî mudaxileya tibî jî nehat xelaskirin. Cenazeyê Derîn îro li gundê Zohokê hat veşartin û malbatê şîna xwe danenî.&nbsp;

	&nbsp;

	Piştî veşartina cenaze, li mezraya Ûrtê ya gundê Elaskûyê ve malek aydî malbata Temel hat şewitandin. Derdora malê hemû şewitî lê gundiyan mudaxile lê kir û agir vemirandin. Leşker çûne gund û tevdîr girtine. Li gundan hê jî rewşa bi aloz berdewam dike. Gundiyan got ji ber vê rewşa bi alozî ew xetere ne.&nbsp;

	&nbsp;

	GUNDIYAN BANG KIR&nbsp;

	&nbsp;

	Gundiyan diyar kir ku ew naxwazin ev xisûmet-neyartî mezin û belav bibe û bang li partiyên siyasî û rûspiyên herêmê kirin û xwestin dawî li vê xisûmeta navbera her du malbatan bînin.&nbsp;

	&nbsp;