
Cenazeyê Dag a li Kercewsê jiyana xwe ji dest dabû li nexweşxaneyê tê sekinandin

2024-06-25 15:17:59


	&nbsp;

	ÊLIH - Cenazeyê Endama YJA-STAR’ê Sûltan Dag a di pevçûnekî li Kercewsê de jiyana xwe ji dest dabû, di morga nexweşxaneyê de tê ragirtin. Dermankirina 3 birîdaran jî didome.&nbsp;

	&nbsp;

	Operasyona li herêmên çolter ên gundê Xirbêkûra Herêma Mawa ya li navçeya Heskîfa Êlihê di 18’ê hezîranê de hatiye destpêkirin û di 22’yê hezîranê de belavî çolterên navçeya Kercewsê bûye berdewam dike. Ji herêma ku pevçûn derketiye 3 birîndar û 3 cenaze anîn Nexweşxaneya Perwerde û Lêkolînê ya Êlihê.&nbsp;

	&nbsp;

	Cenazeyên ebdamê HPG’î Şakîr Erdemcî û endama YJA-STAR’ê Zeynep Ozkanê di 21’ê hezîranê de li Mêrsîn û Şirnexê hatin veşartin. Cenazeyê endama YJA STAR’ê Sûltan Dag a di operasyona 23’yê hezîranê de li Kercewsê jiyana xwe ji dest daye, di morga nexweşxaneyê de tê sekinandin û dermankirina Zeynep Nîbat a birîndar anîne nexweşxaneyê jî didome.&nbsp;

	&nbsp;

	Malbata Dagê ji bo cenazeyê xwe bistînin bi dozgeriyê re hevdîtin pêk anî. Hat zanîn ku dozger di hevdîtinê de ji malbatê re gotiye ku ew ê êvarê cenazeyê Dagê teslîm bikin. Cenazeyê Dagê dê li navçeya Mehserta Mêrdînê were veşartin.&nbsp;

	&nbsp;

	Hat destnîşankirin ku Hasret Kaçar, Nûrettîn Tekîn û Zeynep Nîbat ên di herêma operasyonê de birindar bûne, xistine qawîşa Nexweşxaneya Perwerde û Lêkolînê ya Êlihê.&nbsp;

	&nbsp;