Aykurt ê li Dêra Ortodoksê wezîfedar bû wefat kir  

2024-07-19 17:56:45


	 

	MÊRDÎN - Hanna Aykurt ê li Dêra Ortodoksê ya Stenbolê wezîfedar e dema li Mêrdînê banê mala xwe tamîr dikir ket xwarê û jiyana xwe ji dest da. 

	 

	Horiepiskopos Hanna Aykurt ê ku li Dêra Ortodoksê ya  Sûryanî ya Stenbolê wezîfedar bû, danê sibehê dema ku banê mala xwe ya li navçeya Midyada Mêrdînê  tamîr dikir hevsengiya xwe winda kir û ket xwarê. 

	 

	Li ser agahdarkirinê tîmên tenduristiyê sewqî cihê bûyerê hatin kirin. Tîmên tenduristiyê diyar kirin ku Hanna Aykurt a 68 salî jiyana xwe ji dest daye. Cenazeyê Aykurt ji bo otopsiyê birin morga nexweşxaneyê. 

	 

	Hat zanîn ku der barê bûyerê de lêpirsîn hat destpêkirin.