
Êriş û hevkarî hatin protestokirin: Bimire xiyanet, bijî berxwedan

2024-07-19 22:55:03


	NAVENDA NÛÇEYAN - Li gelek bajaran êrişên Tirkiyeyê yên bi hevkariya PDK’ê li dijî başûrê Kurdistanê tên kirin, hat protestokirin. Di çalakiyan de peyama, “Bimire xiyanet, bijî berxwedan” hat dayîn.&nbsp;

	&nbsp;

	Tirkiye bi hevkariya PDK’ê êrişî deverên başûrê Kurdistanê dike. Li gelek bajaran li dijî êrişên ser Başûr çalaki hatin lidarxistin û êriş hatin protestokirin.&nbsp;

	&nbsp;

	STENBOL&nbsp;

	&nbsp;

	Çalakî ango nobeda li dijî qeyûm a li Meydana Şîşxaneya navçeya Beyoglûya Stenbolê ku 39 roj in didome, îro cihê xwe ji şermezarkirina êrişên Tirkiyeyê re berda. DEM Partî, partiyên din ên siyasî û rêxistinên sivîl bi dirûşma “Ji dagirkeriyê û xiyanetê re na” çalakî li dar xistin. Nûnerên rêxistinên siyasî û sivîl û gelek welatî tev li çalakiyê bûn. Dirûşmeyên wek “Bijî berxwedana Rojava” û "Bimire xiyanet, bijî berxwedan” hatin berzkirin.&nbsp;

	&nbsp;

	Hevseroka DEM Partiyê ya Stenbolê Gonca Yangoz daxuyanî xwend û êriş şermezar kirin û got: “Êriş li dijî deskeftiyên başûrê Kurdistanê û tevahiya gelê kurd tên kirin. Êriş li dijî statûya Kurdistanê ye. Êriş li pêşiya çareserkirina pirsgirêka kurd astengiya herî mezin e.”&nbsp;

	&nbsp;

	Yangoz da zanîn ku PDK ji bo berjewendiyên xwe Herêma Kurdistanî qurbanî Tirkiyeyê dike.&nbsp;

	&nbsp;

	‘BIMIRE XIYANET Û HEVKARÎ’

	&nbsp;

	Hevberdevkê HDK’ê Cengîz Çîçek jî destnîşan kir ku ew ê bi bîr û bawerî li dijî her kesên ku axa Kurdistanê dagir dikin li ber xwe bidin û destûr nedin axa Kurdistanê were dagirkirin. Çîçek got: “Em gelê kurd li tevahiya dinyayê li dijî dagirkeriya Kurdistanê bibin yek. Em ê bi têkoşîna xwe xiyanetê têk bibin. Bimire hevkarî û bimire xiyanet.”&nbsp;

	&nbsp;

	SEMSÛR &nbsp;

	&nbsp;

	Rêxistinên DEM Partî û DBP’ê yên Semsûrê û Tevgera Jinên Azad jî li Semsûrê li Parka Demokrasiyê daxuyan î dan û êrişên Tirkiyeyê şermezar kirin. Di çalakiyê de hat gotin, “Ji xiyanet û hevkariyê re na.” Hevserokê Navçeya Navendî ya DEM Partiyê Yusuf Ozperçîn daxuyanî xwend û êrişan şermezar kir.&nbsp;

	&nbsp;

	BEDLÎS

	&nbsp;

	Rêxistina DEM Partiyê ya Bedlîsê jî li navçeya Tetwanê li êrişên li ser Başûr protesto kir. Daxuyanî li ber avahiya DEM Partiyê pêk hat û gelek kes beşdar bûn. Hevserokê DEM Partiyê yê Bedlîsê Fîkret Bîrlîk daxuyanî da û êriş şermezar kirin û got ku ew nahêlin axa Kurdisatnê were dagirkirin.&nbsp;

	&nbsp;

	DÊRSIM

	&nbsp;

	Rêxistina DEM Partiyê ya Dêrsimê jî li dijî êrişên li ser başûrê Kurdistanê daxuyanî da û êriş protesto kir. DEM Partiyê xwest li Kuçeya Hunerê çalakî li dar bixe polîsan xwest asteng bike. Girseyê bi lêdana çepikan astengiya polîsan şermezar kir.&nbsp;

	&nbsp;

	Kesek ku nerazîbûn nîşanî polîsan da hat binçavkirin. Navê kes nehat zanîn.&nbsp;

	,