
Di çalakiya nobetê ya li Şîşhaneyê de coşa govendê 

2024-07-29 22:28:05


	&nbsp;

	STENBOL - Girseya ku di nobeta qeyûm a li Şîşhaneyê de govend gerand, êrişên li dijî çand û zimanê kurdî şermezar kir.&nbsp;

	&nbsp;

	Nobeta ku Hêzên Ked, Aştî û Demokrasiyê li Qada Şîşhaneyê ya li Beyoglû ya Stenbolê li dijî tayînkirina qeyûm a li Şaredariya Colemêrgê dane destpêkirin di roja 48’emîn de berdewam kir. &nbsp;Di nobeta ku tîşortên li ser “Qeyûm bicihime” li xwe hatin kirin de, pankarta “Li ber xwe bide Colemêrg Stenbol bi te re ye” hate vekirin û dirûşmeyên “Bijî berxwedana Colemêrgê” “Em ê bi berxwedanê serbikevin” , “Bijî xwişk û biratiya gelan” û “Kurdistan dê li faşîzmê bibe goristan” hatin berzkirin. Di nobetê de dowîzên ku bi kurdî, ingilîzî, erebî û tirkî li ser “qeyûm bicihime” dinivîsî hatin hilgirtin. Nûnerên Partiya Wekhevî û Demokrasiyê ya Gelan (DEM Partî), Meclisa Jinan a Sosyalîstan (SKM), Partiya Sosyalîst a Bindestan (ESP), Partiya Jinûve Avakirina Sosyalîst (SYKP) gelek welatî beşdarî çalakiyê bûn.&nbsp;

	&nbsp;

	‘HEWL DIDIN KU GOVENDÊ JÎ QEDEXE BIKIN’ &nbsp;

	&nbsp;

	Hevserokê DEM Partiyê yê Beyoglûyê Mehmet Sadik Yilmaz ê di nobetê de axivî, destnîşan kir ku bi girtinên gerandina govendê li dijî manîpulekirina raya giştî operasyon tê lidarxistin. Yilmaz, destnîşan kir ku hewl didin gerandina govendê jî bê qedexekirin û bi lêv kir ku dê li dijî polîtîkayên qeyûm û êrişan ên desthilata AKP’ê û MHP’ê bibin yek û têkoşîna xwe bilind bikin.

	&nbsp;

	Piştî axaftinê kesên tev li nobetê bûn, girtinên ji ber gerandina govendê çêbûn, bi gerandina govendê şermezar kirin. Girseya ku bi coşeke mezin govend gerand, bi çepik û dirûşmeyan çalakiya xwe ya nobetê bi dawî kir. &nbsp;

	&nbsp;