
Li sê bajaran gelek kes hatin binçavkirin

2024-08-13 08:48:53


	NAVENDA NÛÇEYAN - Li hin bajaran polîsan di serdegirtina malan de gelek kes kirin binçavan.&nbsp;

	Li Amedê polîsan vê sibehê avêt ser gelek malan. Di serdegirtinên malan de kesên bi navê Îrem Alkaş, Baran Baymîs, Murat Devran û Murat Ogut û 8 kesên navên wan nehat zanîn hatin binçavkirin. Sedema binçavkirina her çar kesan nehat zanîn, biryara veşarî li ser dosyeyên wan heye û ew birin Midûriyeta Polîsan a Amedê.

	&nbsp;

	DÊRSIM &nbsp;

	&nbsp;

	Polîsan li Dêrsimê jî avêt ser malekê û welatiyê bi navê Huseyîn Aslan kirin binçavan. Hat zanîn ku Aslan di çarçoveya lêpirsînêk li Manîsayê hatiye destpêkirin, kirine binçavan. Her wiha li navçeya Mazgêrd a Dêrsimê jî polîsan avêt ser mala Perîhan Aydin û ew kirin binçavan û sedema binçavkirina wê nehat zanîn.&nbsp;

	&nbsp;

	STENBOL&nbsp;

	&nbsp;

	Li Stenbolê jî polîsan serê sibehê avêt ser hin malan û gelek kesan kirin binçavan. Di serdegirtinên malan de Serokê Platforma Komeleyên Rojhilat û Başûrrojhilat (DGD) Abdulhakîm Daş û Endamê Meclisa Partiyê ya Partiya Herêmên Demokratîk (DBP) Eşref Yaşar jî di nava de gelek kes hatin binçavkirin. Hat zanîn ku binçavkiriyan birine Midûriyeta Polîsan a Stenbolê û sedema binçavkirinê nehat zanîn.&nbsp;

	&nbsp;