
Endamê Koma Aştiyê Aktaş ber bi Meletiyê ve hate oxirkirin

2024-08-13 13:16:21


	&nbsp;

	ÎZMÎR - Cenazeyê endamê Koma Aştiyê Alî Şukran Aktaş ji bo definkirinê ji Îzmîrê ber bi Meletiyê ve hate oxirkirin.&nbsp;

	&nbsp;

	Endamê Koma Duyemîn a Koma Aştiyê Alî Şukran Aktaş ku di 29’ê cotmeha 1999’an de ji Ewropayê hate Tirkiyeyê û bi nexweşiya penceşêrê ketibû, duh li nexweşxaneyeke Îzmîrê jiyana xwe ji dest da. Cenazeyê Aktaş, birin Cemxaneya Zeytîn Alan a navçeya Urla ya Îzmîrê. Cenazeyê Aktaş îro ji cemxaneyê hate hilgirtin û ji bo definkirinê ber bi Meletiyê ve hate oxirkirin. Endamê Koma Duyemîn a Aştiyê Haydar Ergul, parlamenterên DEM Partiyê Îbrahîm Akin û Gulistan Kiliç Koçyîgît, serokê Weqfa Aştiyê Hakan Tahmaz, rêxistinên DEM Partiyê yên bajar û navçeyan û gelek kes tev li oxirkirinê bûn.&nbsp;

	&nbsp;

	Malbata Aktaş cenaze girt û ji bo definkirinê bi rêya balafirê şande Meletiyê. Ergul û Koçyîgît jî bi malbatê re çûn.&nbsp;

	&nbsp;

	Tê payin ku cenazeyê Aktaş sibe saet di 11.00’ê de li gundê Daricayê yê navçeya Arganê ya Meletiyê were definkirin.&nbsp;

	&nbsp;

	Hevserokên Giştî yên DBP’ê Çîgdem Kiliçgun Uçar û Keskîn Bayindir, Hevseroka Giştî ya DEM Partiyê Tulay Hatîmogûllari, siyasetmedar Sebahat Tuncel û gelek kes dê tev li merasîma definkirinê bibin. &nbsp;

	&nbsp;

	ALÎ ŞUKRAN KÎ YE?

	&nbsp;

	Alî Şukran Aktaş li ser banga Rêberê PKK’ê Abdullah Ocalan, di 29’ê cotmeha sala 1999’an de tevî Koma Duyemîn a Aştiyê ji Ewropayê hate Tirkiyeyê. Kesên di 1’ê cotmeha 1999’an de di nava Koma Yekemîn a Aştiyê de cih digirtin û ji Qendîlê hatin, hatibûn girtin. Aktaş jî tevî Haydar Ergul, Aygul Bîdav, Îmam Canpolat, Yûsûf Kiyak, Aysel Dogan, Haci Çelîk û Dîlek Kurt di nava Koma Duyemîn a Aştiyê de cih girt û ji Ewropayê hat.

	&nbsp;

	Endamên Koma Duyemîn a Aştiyê jî hatin binçavkirin û girtin. Her 8 endamên komê li Stenbolê hatin darizandin û 7 sal heta 15 sal cezayên hefsê lê hate birîn. Aktaş, di sala 2005’an de ji girtîgehê derket û piştre ji doza dihate darizandin bi îdiaya “Potansiyela propagandaya rêxistinê” 20 meh cezayê hefsê lê hate birîn.&nbsp;

	&nbsp;

	Dadgeha Bilind di 4’ê cotmeha 2013’an de biryar erê kir û Aktaş dîsa hate girtin. Aktaş, 9 meh û 10 rojan girtî ma.&nbsp;

	&nbsp;

	DI NAVA RÊVEBERIYA WEQFA AŞTIYÊ DE CIH GIRT&nbsp;

	&nbsp;

	Aktaş, piştî ji girtîgehê derketî jî têkoşîna xwe ya aştiyê domand û di 2’yemîn Kongreya Asayî ya Weqfa Aştiyê ya di 29’ê çileya 2020’ê de weke Endamê Lijneya Vênêrînê ya Weqfê hate hilbijartin.&nbsp;

	&nbsp;

	Aktaş, bi nexweşiya penceşerê ketibû û di 12’ê tebaxê de li navçeya Urla ya Îzmîrê jiyana xwe ji dest da.&nbsp;

	&nbsp;