
Li gorî qeymeqamê Pirsûsê 'guncav' nîne navê ‘Mem û Zînê’ li parqê were kirin

2024-09-20 11:10:17


	&nbsp;

	RIHA - Şaredariya Pirsûsê xwest navê “Mem û Zînê” li parqeke navçeyê bike. Qeymeqamê Pirsûsê got ev nav “guncav” nîne û biryara şaredariyê red kir.&nbsp;

	&nbsp;

	Meclisa Şaredariya Pirsûs a Rihayê ku di destê DEM Partiyê de ye, di 6’ê tebaxa 2024’an de civiya û biryara da ku navî li 2 parkan bike. Di civînê de biryar hate dayin ku li parqekê navê “Mem û Zînê” û li ya din jî helbestvan Saît Kendîrcî were kirin.&nbsp;

	&nbsp;

	Biryar bi piraniya dengan hate dayin û ji bo erêkirinê ji Qeymeqamê Pirsûsê Adem Balkanlioglû re hate şandin. Qeymeqam Balkanlioglû di nivîsa “Guncav nehate dîtin” de biryara lêkirina navên “Mem û Zînê” û “Saît Kendîrcî” ya li parqan red kir. Di biryarê de sedema redkirinê nehat vegotin.&nbsp;

	&nbsp;

	'ÎRADEYA GEL TUNE TÊ HESIBANDIN’

	&nbsp;

	Şaredariya Pirsûsê biryar da ku biryara redkirinê bibe Dadgeha Îdareyê. Hevşaredar Muslum Baran got ku biryar bi piraniya dengên endamên meclisê hatiye dayin û ev tişt anî ziman: “Yek ji navên me daye parqê ‘Mem û Zîn’ e ku lehengên efsaneyeke kurdan e û yê din jî helbestvan ‘Saît Kendîrcî’ ye ku demek berê wefat kir û li Pirsûsê dihat naskirin û jê dihat hezkirin. Ji bo ev biryar teqez bibe li gorî qanûnê divê me ji qeymeqamtiyê re bişanda û bihata erêkirin. Lê qeymeqamtiyê bêyî sedemekê nîşan bide red kir. Em vê biryarê qebûl nakin û dê li dijî wê serî li Dadgeha Îdareyê bidin. Qeymeqamtiyê îradeya gel tune hesibandiye. Ma em ê ji qeymeqam bipirsin bê ka dê çi navî li parqan bikin? Wê demê çi wateya meclisê dimîne? Em wisa bawer dikin ku dê Dadgeha Îdareyê vê biryara keyfî betal bike.”&nbsp;

	&nbsp;