ROJEVA 25'Ê ÎLONA 2024'AN

2024-09-25 09:00:22


	 

	* ARSÎSA’yê amadekariyên xwe yên ji bo serdema nû bi dawî kirin û dest bi wergirtina şagirtan kir. Perwerdekarê ARSÎSA’yê Şevket Acar, diyar kir ku ji asta destpêkê heta ya mamsotetiyê qûrsên wan hene û ji bo parastina kurdî banga tevlibûna waneyan kir.

	 

	* Nêzî 43 meh in tu agahî ji Abdullah Ocalan ê li Girtîgeha Îmraliyê tê ragirtin nayên girtin. Di vê pêvajoyê de 600 serlêdanên ku hatin kirin bê encam man.

	 

	* Ji 16 gilîkirinên ku Baroya Rihayê di 21 mehan de li dijî pêkanînên nijadperestî, zimanê nefretê û îşkenceyê serî li Serdozgeriya Komarê dabû, tenê yek jê esas hatiye girtin. 

	 

	* Hevberdevkê Herêma 2'yemîn a Stenbolê yê DEM Partiyê Samet Ayaz diyar kir ku xebatên wan ên di çarçoveya mitînga 13'ê cotmehê de dewam dikin û ev bang kir: "Werin em li Amedê li dijî tecrîd, zext, xizanî û wêraniyê li hev bicivin."

	 

	* Endama Grup Yorumê Şura Başer diyar kir ku Rezzan Şengul û Vedat Dogan ên di greva birçîbûnê de ketine bin 38 kîloyan û wiha got: “Êdî bi zehmetî radibin û rûdinin. Divê daxwazên wan bên qebûlkirin.” 

	 

	* Geşedanên der barê serdegirtina MED-DER'ê û binçavkirina rêveber û mamosteyên zimanê kurdî dê bê şopandin. 

	 

	* Danişîna 8'emîn a doza Nîhat Kazanhan ê di sala 2015'an de ji aliyê polîsê tîmê taybet ve hat kuştin dê li 1'emîn Dadgeha Cezayê Giran a Cizîrê bê lidarxistin. (15:00) 

	 

	* Li Wanê bi pêşengiya DBP, ARSÎSA, TJA û DEM Partiyê ji bo şermezarkirina serdegirtina saziyên zimanê kurdî û binçavkirina mamosteyan li ber avahiya DEM Partiya Artemêtê daxuyanî bidin. (17.00)