
Dozger xwest ku cezayê giran li faîlê Fatma Ogûr bê birîn  

2024-10-15 15:13:37


	&nbsp;

	WAN - Der barê Şukru Koçak ê ku hevjîna xwe Fatma Ogûr li navçeya Artemêtê kuştibû de, cezayê muebeda girankirî hat xwestin.&nbsp;

	&nbsp;

	Li navçeya Artemêtê ya Wanê 27’ê gulana 2023’yan Şukru Koçak hevjîna xwe Fatma Ogûr kuştibû. Danişîna çaremîn a doza der barê Şukru Koçak de hatiye vekirin li 6’emîn Dadgeha Cezayê Giran a Wanê hat lidarxistin. Zarokên Fatma Ogûr, şahidên bûyerê, rêveberên Navenda Mafên Jinan a Baroya Wanê, Komeleya Jinan a STAR’ê û gelek kes beşdarî danişînê bûn.&nbsp;

	&nbsp;

	Bersûc Şukru Koçak ji girtîgeha lê girtî ye bi rêya Pergal Deng û Dîmen (SEGBÎS) beşdarî danişînê hat kirin. Piştî guhdariya li şahidên bûyerê bersûc axivî û xwest têkildarî bûyerê li du kesan bê guhdarîkirin.

	&nbsp;

	Dadgehê daxwazê red kir. Dozger xwest ji sûcê, “kuştina bi hîsa hovane” ceza li bersûc bê birîn.&nbsp;

	&nbsp;

	Koçak îdia kir ku dema wî bûyer pêk aniye “dîn” bûye.&nbsp;

	&nbsp;

	Zarokên Fatmayê xwestin cezayê herî giran li bersûc bê birîn.&nbsp;

	&nbsp;

	Dadgehê biryara berdewamiya girtina bersûc da û danişînê taloqî 7’ê mijdarê kir.&nbsp;

	&nbsp;