
Meclisa Şaredariya Xelfetiyê civiya: Em ji bo di nava çar dîwaran de birêve bibin nehatine hilbijartin 

2024-11-07 15:44:50


	RIHA - Meclisa Şaredariya Xelfetiyê ku qeyûm lê hatiye tayînkirin û di dorpêçê de ye, bi pêşengtiya hevşaredaran ji bo nîqaşkirina du rojevan civiya.&nbsp;

	Protestoyên li dijî tayînkirina qeyûm a li Şaredariya Xelfetî ya Rihayê di roja 4’emîn de berdewam dike. Şêniyên navçeyê yên her roj tên pêşiya şaredariyê, bertekên xwe nîşan didin. &nbsp;Piştî tayînkirina qeyûm, bi serokatiya Hevşaredarên Xelfetiyê Saniye Bayram û Mehmet Karayilan civîna Meclisa Şaredariyê ya meha Mijdarê hate lidarxistin. Tevgera Jinên Azad (TJA), Parlamenterên Partiya Wekhevî û Demokrasiyê ya Gelan &nbsp;(DEM Partî), Hevserokê Komeleya Mafên Mirovan (ÎHD) Huseyîn Kuçukbalaban, nûnerên rêxistinên sivîl û gelek kesên din beşdar bûn.

	&nbsp;

	Axaftina vekirinê ya civînê ji aliyê Hevşaredarê Xelfetiyê Mehmet Karayilan ve hat kirin. Karayilan bertek nîşanî tayînkirina qeyûman da û peyam da ku tevî qeyûmê dê di nava gel de bin.

	&nbsp;

	Hevşaredar Saniye Bayram jî wiha got: "Tişta ku gel ji me xwest, tenê şandina qeyûm bû. Li gel hemû astengiyan me bi gelê xwe re li ber xwe da û em bi ser ketin. Em bi îradeya azad li qadan xebitîn. Em bi berxwedanê bi ser ketin. Em ê axa xwe rizgar bikin, em ê li ser piyan bin."&nbsp;

	&nbsp;

	Civîna meclisê piştî nîqaş û dengdayîna li ser mijarên rojevê yên "Tayînkirina bihayê heqê parkkirinê" û "Tespîtkirina heqê dikanan" bi dawî bû.&nbsp;

	&nbsp;

	Berxwedana gel a li ber avahiya şaredariyê didome.

	&nbsp;