Danişîna ewil a Şerîfe Muhammedî di 14’ê mijdarê de ye 

2024-11-10 12:57:49


	NAVENDA NÛÇEYAN - Danişîna ewil a aktîvîsta jin Şerîfe Muhammedî ku li Îranê hatibû girtin dê di 14’ê mijdarê de bê lidarxistin. 

	Danişîna ewil a parastvana mafên jinan Şerîfe Muhammedî ku ji hêla rejîma Îranê ve hatiye girtin dê di 14’ê mijdarê de bê lidarxistin. Parêzeran diyar kirin ku danişîna ewil a piştî xerakirina cezayê wê dê di 14’ê mijdarê de bê lidarxistin. 

	 

	Şerîfe Muhammedî di sala 2023’yan de li bajarê Reştê bi îdiaya “Propagandaya li dijî dewletê” hatibû girtin û Dadgeha Şoreşê ya Îranê di 4’ê tîrmehê de cezayê darvekirinê lê birî. Di encama îtîrazan de cezayê wê di 12’ê cotmehê de hatibû betalkirin.