
Bîranîna Seyîd Riza: Cihê gorê wî eşkere bikin  

2024-11-15 15:21:20


	&nbsp;

	MÊRSÎN - DAD’ê bang kir ku cihê gorê Seyîd Riza û hevalên wî yên 87 sal berê hatin qetilkirin bên eşkerekirin.&nbsp;

	&nbsp;

	Komeleyên Elewiyan ên Demokratîk (DAD) bi boneya 87’emîn salvegera qetilkirina Seyîd Riza û hevalên wî, daxuyanî da. Daxuyanî, li pêşiya avahiya komeleyê ya li navçeya Akdenîz a Mêrsînê hate dayin. Gelek kes tev li daxuyaniyê bûn. Di daxuyaniyê de pankarta “Mazlum bêçare, mekan bêriza, zeman bêxwedî nîne” hate hilgirtin.&nbsp;

	&nbsp;

	‘NEVIYÊN WÎ SERÎ NATEWÎNIN’

	&nbsp;

	Gelek caran dirûşma “Li dijî faşîzmê mil bidin milên hev” hate berzkirin. Hevserokê Şaxa DAD’ê ya Mêrsînê Huseyîn Aral, Seyîd Riza, hevalên wî û hemû kesên di Komkujiya Dêrsimê de hatin qetilkirin bi bîr anî. Aral, got ku dê neviyên Seyîd Riza jî serî li ber zilm, zordarî û polîtîkayên asîmîlasyonê netewînin.&nbsp;

	&nbsp;

	Di daxuyaniyê de ev daxwaz hatin rêzkirin:

	&nbsp;

	“* Bila cihê gorên Pîr Seyîd Riza û rêhevalên wî bên eşkerekirin û astengiyên li pêşiya veguhestina wan a Dêrsimê bên rakirin.&nbsp;

	&nbsp;

	* Divê bi komkujiyê re hevrûbûnek çêbibe û navê Dêrsimê lê were vegerandin.&nbsp;

	&nbsp;

	* Divê navên kesên di dema komkujiyê de hatine sirgûnkirin û zarokên ji malbat û civaka xwe hatine veqetandin bên eşkerekirin û aqûbeta wan bi raya giştî re bên parvekirin.&nbsp;

	&nbsp;

	* Hewceye arşîv bên vekirin û ji gelê Dêrsimê lêborîn were xwestin.&nbsp;

	&nbsp;

	* Divê zexta li ser ziman û baweriyên Dêrsimê bên bidawîkirin.”

	&nbsp;