
Gel diherike qada mitîngê ya Êlihê 

2024-11-17 13:01:39


	ÊLIH - Li Êlihê gel ji bo mitînga “Demokrasî û Azadiyê” dadikeve qadê.&nbsp;

	Platforma Saziyên Demokratîk li Êlihê mitînga “Demokrasî û Azadiyê” li dar dixe. Li qada mitîngê pankarta “Ji bo çareseriya demokratîk a pirsgirêka kurd em meşa xwe ya azadiyê mezin dikin” hate daliqandin. Gel dest bi ketina qadê kir. Girseyê dovîzên weke “Ev hişyariyeke gel e; şaredariyên me vala bikin”, “Em rê nadin qeyûm, qeyûm talan e” û “Muxatabê çareseriyê diyar e” hilgirtin.&nbsp;

	&nbsp;

	JIN DI KORTEJA TJA’YÊ DE NE

	&nbsp;

	Gelek welatiyên ji bajarên derdorê hatin jî lki Xaçerêya Heskîfê kom bûn û govend gerandin. Koma ji Sêrtê hatî bi pankarta “Em ê li dijî xespkirina îradeyê li ber xwe bidin û bi ser kevin, ne qeyûm demokrasî” hilgirtin û amadekariya ketina qadê dikin. Dayikên Aştiyê û gelek jin jî di korteja Tevgera Jinên Azad (TJA) a li Parka Yilmaz Guneyê de cih girtin. Jin bi cil û bergên xwe yên kurdî tev li bûn.&nbsp;

	&nbsp;

	DEMA WESAYÎT ASTENG KIRIN DEST BI MEŞÊ KIRIN&nbsp;

	&nbsp;

	Girseya li ser Heskîfê dihat qadê, li noqteya kontrolê hate astengkirin. Li ser vê yekê welatî ji wesayîtên xwe paya bûn û bi dirûşma “Em ê bi berxwedanê bi ser kevin” ber bi Êlihê ve dest bi meşê kirin.&nbsp;

	&nbsp;

	Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogûllari û Hevseroka Giştî ya Partiya Herêmên Demokratîk (DBP) Çîgdem Kiliçgun Uçar jî hatin qada mitîngê.&nbsp;

	&nbsp;

	Herikîna gel a ber bi qada mitîngê ve didome.&nbsp;

	&nbsp;