
Ji bo gelek bajarên bakurê Kurdistanê hişyarî hate kirin 

2024-11-18 09:58:35


	&nbsp;

	NAVENDA NÛÇEYAN - Midûriyeta Giştî ya Meteorolojiyê Amed, Êlih û Şirnex jî di nav de ji bo 16 bajaran bi koda zer hişyarî kir. Li bendê ye ku li hinek bajaran jî berf bibare.&nbsp;

	&nbsp;

	Midûriyeta Giştî ya Meteorolojiyê, rapora xwe ya rewşa hewayî ya 18’ê mijdarê eşkere kir. Di raporê de hat gotin ku li bajarên bakurê Kurdistanê Meletî, Amed, Dîlok, Sêrt û Rihayê li benda barîneke zêde ne. Her wiha ji bo Erzirom, Qers û Wanê jî hişyariya berfê hate kirin. Hat texmînkirin ku li bajarên Bakur pileya germahiyê ji 2 heta 4 pileyan bikeve.&nbsp;

	&nbsp;

	Midûriyetê got ku bi taybetî li başûrê Herêma Serhedê û bajarên Semsûr, Dîlok, Kîlîs, Amed, Êlih û Sêrtê barîneke zêde bibare.&nbsp;

	&nbsp;

	Di heman demê de midûriyetê bajarên Kurdistanê Semsûr, Çewlik, Bedlîs, Amed, &nbsp;Xarpet, Colemêrg, Meletî, Mereş, Mûş, Sêrt, Dêrsim, Êlih û Şirnex û bajarên Tirkiyeyê Osmaniye, Edene û Hatay jî ji ber barîna zêde bi koda zer hişyarî da.&nbsp;

	&nbsp;