
Ji bo Rojava banga piştevaniyê: Yên xwe disipêrin çeteyan wê têk biçin 

2024-12-04 19:34:46


	NAVENDA NÛÇEYAN - Di daxuyaniyên der barê êrişên li hember Rojava de hat diyar kirin ku yên pişta xwe spartine çeteyan wê li dijî berxwedana gel teqez têk biçin û wiha hat gotin: “Em banga piştevaniya bi Rojava re li hemû kesî dikin.”

	Bertekên li dijî êrişên Tirkiye û komên girêdayê wê yên li hember Bakur û Rojhilatê Sûriyeyê didomin. Êrîş îro jî lig elek bajaran hatin protesto kirin.

	&nbsp;

	XARPÊT

	&nbsp;

	Li ber Garaja Xozat a Xarpêtê daxuyanî hat dayîn. Hevseroka DEM Partî ya Xarpêtê Songul Cengîz da zanîn ku êrişên li hember herêmên Halep, Tel Rifat û Şehbayê sûcên mirovahiyê ne û wiha got: “Bi dehezaran kesên ji dagirkirina komên HTŞ û SMO direvin, li herêmên bi cih didin hedef tên girtin û ev rê li ber karasetan vedike. Ev êrîşên bi piştgiriya deshtilatdariyê pêk tên îradeya jiyanê ya ji bo aştiyê tune dike. Yên pişta xwe dane çeteyanw ê li dijî berxwedana demokratîk a gelan têk biçe. Em banga piştevaniyê li hemû kesî dikin.”&nbsp;

	&nbsp;

	HATAY

	&nbsp;

	Li Hatayê Platforma Ked û Demorkasiyê ya Samandagê li Qada Abdullah Comert daxuyanî da. Li ser navê platformê Çala Cemalî axivî û da zanîn ku navbera gelên Rojhiata Navîn de dijminahî tê afirandin û pêkanînên emperyalîst xistine dewrê. Çagla Cemalî &nbsp;li dijî êrîşan banga mezinkirina têkoşînê û tevgerê li gelan kir.

	&nbsp;

	Bi banga Platforma Ked û Demokrasiyê ya Antakyayê jî li pêş Dibistana Navîn a Sevsen Nevzat Şahîn daxuyaniyek hat dayîn. Daxuyanî ji aliyê hevserokê ÎHD’a Hatayê Mursel Tonguç Salmanoglu ve hat xwendin.

	&nbsp;

	
		ANTALYA
	
		&nbsp;
	
		Rêxistina DEM Partî ya Antalyayê jî ber avahiyê daxuyaniyek da. &nbsp;Hevserokê navçeya Muratpaşa Azîz Alkan axivî û da zanîn ku bi êrişên dagikirinê hedefa tasfiyekirina Rêveberiya Xweser a Bakur û Rojhilatê Sûriyeyê dikin. Azîz Alkan daxuyakirin ku gelê Kurd wê li dijî van êrîşan bêdeng nemînin û banga piştevaniya bi gelê Rojavayê re kir.


	&nbsp;