
Ji bo 'Meşa Çareseriya Demokratîk û Azadiyê' banga tevlibûnê 

2024-12-16 09:26:05


	AMED - Endamên Platforma Saziyên Demokratîk ji bo “Meşa Çareseriya Demokratîk û Azadiyê” ya bi daxwaza azadiya fîzîkî ya Rêberê PKK’ê Abdullah Ocalan û çareseriya demokratîk a pirsgirêka Kurd dê ji Amedê ber bi Enqereyê ve were lidarxistin, banga tevlibûnê kirin.&nbsp;

	Platforma Saziyên Demokratîk di çarçoveya kampanyaya “Ji Abdullah Ocalan re azadî, ji bo pirsgirêka Kurd çareseriya demokratîk” de dê îro “Meşa Çareseriya Demokratîk û Azadiyê” bide destpêkirin. Starta meşê dê îro li pêşiya Oryil Petrolê ya li navçeya Rezanê ya Amedê were destpêkirin û dê li Enqereyê bi dawî bibe. Hevserokê Federasyona Komeleyên Hiqûqî û Piştevaniya bi Malbatên Girtî û Hikûmxwaran re ya MED’êd (MED TUHAD FED) Kerem Canpolat, aktîvîsta Tevgera Jinên Azad (TJA) Gulistan Sarili û hunermend Kadîr Çet banga tevlibûna meşê kirin.&nbsp;

	&nbsp;

	'EM JI BO ÇARESERIYÊ DIMEŞIN’

	&nbsp;

	

	&nbsp;

	Kerem Canpolat anî ziman ku ew bi meşê dixwazin rewşa xitimî ya Tirkiyeyê çareser bikin û wiha got: “Ji bo derketina ji vê rewşê, divê tecrîda li ser birêz Abdullah Ocalan were rakirin. Di hevdîtina dawî de got; ‘Ji bo çareseriyê ez xwedî hêza teorîk û pratîk im.’ Ev gotinek biqedr e. Ji bo vê gotinê di raya giştî belav bikin em ji Amedê dimeşin Enqereyê. Armanca me ya esasî çareseriya demokratîk a pirsgirêka Kurd e. Em dixwazin hevdîtinên bi birêz Abdullah Ocalan re dest pê bikin.”&nbsp;

	&nbsp;

	'MEŞ GIRÎNG E’

	&nbsp;

	Canpolat, diyar kir ku dibe ku rewşa şer a li Rojhilata Navîn bandorê li Tirkiye û Îranê jî bike û wiha pê de çû: “Ji bo ev agir li Tirkiyeyê jî belav nebe, ev meş girîng e. Ji hêla aborî, siyasî û exlaqî ve krîzek heye. Her kesên dixwazin ji van krîzan derkevin divê beşdarî meşê bibin. Banga me ji bo hemû gelan ew e ku bi destên hev bigirin û vê krîzê çareser bikin. Em banga tevlibûna meşê dikin.”&nbsp;

	&nbsp;

	'DIVÊ PÊVAJOYA ÇARESERIYÊ DEST PÊ BIKE’

	&nbsp;

	

	&nbsp;

	Gulistan Sarili jî got ku ew ji bo azadiya fîzîkî ya Abdullah Ocalan, welatekî demokratîk û jiyaneke azad didin destpêkirin û wiha dom kir: “Em dixwazin şerê li Rojhilata Navîn bi dawîn bibe. Em şer naxwazin, aştiyê dixwazin. Ji bo aştiyê em li Meclisê vê pirsgirêkê çareser bikin. Divê gelên me beşdarî meşê bibin. Banga me ji bo aştiyê, azadiyê, azadiya birêz Abdullah Ocalan û destpêkirina pêvajoyeke demokratîk e.”&nbsp;

	&nbsp;

	'BANG LI REWŞENBÎR Û NIVÎSKARAN KIR’

	&nbsp;

	

	&nbsp;

	Hunermend Kadîr Çat jî bal kişand ser krîza li Rojhilata Navîn û wiha axivî: “Êdî ev krîz hatiye astekî wisa ku qedera gelên Tirkiyeyê diyar bike. Divê rêyeke xelasiya ji vê krîzê bê peydakirin û gav bên avêtin. Tifaqa Cumhurê destê xwe dirêj kir û her çend kesek jê bawer neke jî meseleyeke cidî ye. Gelên Tirkiyeyê nema dikarin ji vê krîzê derkevin. Lewma divê bi muxataban re tiştek were kirin. Birêz Abdullah Ocalan bi sala ye dibêje ku dikarim çareser bikim û ez muxatab im. Weke hunermend û kedkaran em ê beşdarî vê meşê bibin û bang li gelên Tirkiyeyê bikin. Her kesên dibêjin aştîxwaz im, şer pirsgirêka hevpar e û nikarim debara xwe bikim, em vedixwînin meşê. Em bang dikin ku her kesên aştiyê dixwazin beşdarî meşê bibin. Her wiha em banga tevlibûnê li rewşenbîr, nivîskar û hunermendan dikin.”&nbsp;

	&nbsp;