
Hevşaredar Sariyildiz sewqî Girtîgeha Kirşehîrê hate kirin 

2025-01-24 12:53:03


	&nbsp;

	MÊRSÎN - Hevşaredarê Akdenîzê Hoşyar Sariyildiz ku hatibû girtin û li şûna wî qeyûm hatibû tayînkirin, sewqî Girtîgeha Tîpa S a Kirşehîrê hate kirin.&nbsp;

	&nbsp;

	Hevşaredarê Akdenîz a Mêrsînê Hoşyar Sariyildiz ku hatibû girtin û li şûna wî qeyûm hatibû tayînkirin, sewqî Girtîgeha Tîpa S a Kirşehîrê hate kirin. Parlamenterê DEM Partiyê yê Mêrsînê Alî Bozan têkildarî mijarê li ser hesaba xwe ya medyaya dijîtal wiha got: “Me bihîst ku Hevşaredarê Akdenîzê Hoşyar Sariyildiz ji Girtîgeha Tarsusê sewqî Girtîgeha Tîpa S a Kirşehîrê hatiye kirin. Zilma we jî bi qasî tirsa we mezin e. Roj dê were hûn ê bibêjin ‘Ev ne biryarên me bûn.’ Her kesê vê zilmê erê dike şirîkê vê zilmê ye. Her kesên ji polîtîkayên qeyûm keyfê dike, rojekê dê hesabê bidin hiqûqê.”&nbsp;

	&nbsp;

	Hevşaredarên Akdenîzê Hoşyar Sariyildiz û Nûriye Aslan û endamên Meclisa Şaredariyê Ozgur Çaglar, Neslîhan Oruç, Yakup Daniş û Hîkmet Bakirhan di 10’ê Çileyê di serdegirtinên malan de hatibûn binçavkirin. Hevşaredar Hoşyar Sariyildiz û Nûriye Aslan û endamên Meclisa Şaredariyê Ozgur Çaglar, Hîkmet Bakirhan û Neslîhan Oruç di 13’ê Çileyê de hatin girtin.&nbsp;

	&nbsp;