Êdî bazar jî gelek biha ye 

2025-08-29 10:23:59


	 

	ENQERE - Welatiyên navçeya Madimakê ku ji bo danûstandinê çûn bazarê, diyar kirin ku ji ber krîza aboriyê nikarin debara xwe bikin û nikarin pêdiviyên xwe bikirin. 

	 

	Krîza aboriyê ya li Tirkiyeyê her ku diçe girantir dibe. Enflasyona bilind û roj bi roj bêhtir bêqîmetbûna lîreyê Tirk, bandoreke neyînî li ser jiyana gel dike. Welatiyên ku di mijara debarê de zehmetiyên giran dijîn, nikarin pêdiviyên xwe yên sereke jî dabîn bikin.  

	Me, ji xelkê navçeya Madimak a Enqereyê pirsî û wan jî bandora krîza aboriyê vegotin. Welatiyan, anî ziman ku ji ber zêdebûna fiyetan, nikarin xurekên sereke jî bikirin û tenê dikarin fêkî û zebzeyên herî erzan bikirin. Welatiyan got ku heta budçeya wan bi têrî vê jî nake.