Ji Meclisa Tenduristiyê ya HDK’ê rêyên serî derxistina bi vîrûsê

2020-04-02 12:56:25


	 

	STENBOL - Meclisa Tenduristiyê ya HDK’ê, diyar kir ku vîrûsa koronayê bi zora dewletê û biryarên qedexeyan na bi civakbûneke xwezayî dikare bê derbaskirin û rêyên serî pê re derxistinê rêz kir.

	 

	Li gorî daneyên fermî, li Tirkiyeyê zêdetirî 15 hezaran kes bi vîrûsa koronayê ketine û 277 kes jî ji berê jiyana xwe ji dest dane û ji ber kêm girtina bergiriyan Hikûmet tê rexnekirin. Meclisa Tenduristiyê ya Kongreya Demokratîk a Gelan (HDK) têkildarî vê rewşê daxuyaniyeke nivîska da û bergiriyên ku li dijî vîrûsê divê bên girtin rêz kir.

	 

	Meclisê, diyar kir ku vîrûs di çarçoveya polîtîkayên welatên netewdewlet û kapîtalîst de derketiye holê û li ser jiyana ekolojîk rawestiya. Meclisê, da zanîn ku vîrûs weke tê nîşandan ne kareseteke xwezayî ye û wiha got: “Berovajiyê kareseta xwezayî berhema pêvajoya kapîtal û cureyên wê ye. Çawa ku ji ber kirinên xwe em li dijî karesetên mîna erdhej û hezazê bêparastin dimîmim, ji bo vîrûs jî heman rewş derbasdar e. Vîrûs, îro ji pirsgirêkeke tibbî wêdetir pirsgirêkeke siyasî, civakî û ekolojik e. Lê saziyên şaristaniya dewletî bi awayekî zêde pirsgirêkê tibbî dikin û feraseteke çawsîner ferzî civakê dikin û ser bingeha pirsgirêkê digirin.”

	 

	WÊ QAPASÎTEYA SERMIYAN DERBAS BIKE

	 

	Di berdewama daxuyaniya xwe de meclisê bal kişand ser encamên vîrûsê û têkildarî mijarê ev tişt got: “Serî pê re derxistina encamên şobayê û di pêşerojê de kontrolkirina şobayên ku dibe derkevin holê qapasîteya takekesî û kolektif a sermiyan debas kiriye. Ev gef, tenê bi rêxistina hilberîner û aqlê kollektîf ê bindest, xîzan û kesên ku ji berê ve heta niha ya ji bo jiyan û cîhaneke nû têdikoşin, dikare bê derbaskirin”

	Meclisa Tenduristiyê ya HDK’ê rêyên serî derxistina bi vîrûsê re wiha rêz kir:

	 

	"* Fikirina Ekolojîk û înşakirina civaka ekolojîk. Divê ku her tişt di parzûnê ekolijyê de bê derbaskirin.

	* Civakbûna rast. Divê tora rêxistinbûna herî berfireh bê avakirin û herkes karibe xwe di vê torê de îfade bike.

	* Li gorî pêwîstiyên civakê parvekirina wekhev a çavkaniyan. Divê ku rêxistinbûnên aboriyê yên ku karibin pêwîstiyên herkesî bibersivînin bên avakirin.

	* Ji holê rakirina sînorên neteweyî. Em di nav gerdûnê de tev bi hev re hene. Divê mirovahî di nav pergaleke demokratîk de hebe.

	* Navberxistina civakî ya mêjiyê dewletê yê baviksalarî. Bi destpêkirina nav malê re divê jiyaneke demokratîk bê avakirin.

	* Sînorkirina temasa fîzîkî. Li şûna zora dewletê divê em rêxistinên xwe yên vê yekê pêk bînin.

	* Esasgirtina daxuyaniyên SES ve TTB’ê.

	* Sekna bîrdozî û helwesta polîtîk.