
Rêxistinên ciwanan her sê şoreşgeran bi bîr anîn 

2020-05-06 15:19:59


	NAVENDA NÛÇEYAN - Rêxistinên ciwanên şoreşger, di salvegera 48’emîn a darverkirina Denîz Gezmîş, Yûsûf Aslan û Huseyîn Înan de bi bîr anîn û li qeraxê deryayê ya li Dolmabahçeyê qerenfîlan avêtin deryayê.

	&nbsp;

	Pêşengên Nifşê 68’an Denîz Gezmîş, Yûsûf Aslan û Huseyîn Înan di 6’ê Gulana 1972’an hatibûn darvekirin. Di salvegera 48’emîn a darvekirinê de tên bibîranîn. Rêxistinên ciwanên şoreşger her sê şoreşgeran bibîr anîn.

	&nbsp;

	Meclîsa Ciwanên HDP’ê ya Stenbolê, Federasyona Komeleyên Ciwanên Sosyalîst, ciwanên endamên Partîzan li Dolmabahçeya Stenbolê bernameyek bîranînê li dar xistin. Parlamenterên HDP’ê Zuleyha Gulum, Mûsa Pîroglû û Mûrat Çepnî û gelek kes beşdarî bîranînê bûn.

	&nbsp;

	Îsal di çarçoveya tevdîrên koronayê de li heman cihê Dolmabahçeyê pêk hat. Beriya bîranînê gelek polîs li derdorê tevdîran girtin.

	&nbsp;

	Ciwanan wêneyên Gezmîş, Înan û Aslan hildan û pankarta “Li dijî emperyalîzmê li ser şopa Denîzan hêvî di sosyalîzmê de ye” vekirin û dirûşm berz kirin.

	&nbsp;

	MOHRA XWE LI DÎROKÊ DAN

	&nbsp;

	Bîranînê bi rêzgirinê dest pê kir û li ser navê rêxistinên ciwanan Nazli Yoyler daxuyaniyê xwend. Yoyler da zanîn ku her sê şitlên şoreşê bi berxwedanê navê xwe di nava dîrokê de nivîsandin û îro têkoşîn li ser hewldanên wan didome. Yoyler diyar kir ku ew wek ciwan û xwendekarên şoreşger li ser mîrateya ji Denîzan dewr girtine têkoşîna xwe didomînin û soza mezinkirina têkoşînê da.

	&nbsp;

	Piştî daxuyaniyê ciwanan bi yek dengî Sirûda Gundogdû xwend û qerenfîlan avêtin deryayê.

	&nbsp;

	CIWANÊN EMEP’Ê HER SÊ ŞOREŞGERAN BI BÎR ANÎN

	&nbsp;

	Meclîsa Ciwanên Partiya Kedê jî li Dolmabahçeyê li qeraxê deryayê her sê şitlan bi bîr anîn û wêneyên wan bilind kirin. Li ser navê Meclîsa Ciwanên EMEP’ê Metekagan Yildirim daxuyanî xwend û got ew carek din soza ku dane Denîzan dubare dikin û dê li ser xeta wan têkoşîna xwe bidomînin.

	&nbsp;

	EDENE

	&nbsp;

	Li Edeneyê jî Rêxistina Partiay Kedê û Meclîsa Ciwanên Partiya Kedê daxuyanî dan û Denîz Gezmîş, Yûsûf Aslan û Huseyîn Înan bi bîr anîn. Li vir jî soza mezinkirina têkoşîna her sê şitlên hatin darvekirin hat dayîn.

	&nbsp;

	ÎSKENDERÛN

	&nbsp;

	Şaxa Komeleya Mafê Mirovan a Îskenderûnê jî ji bo bîranîna Denîz Gezmîş, Yûsûf Înan û HuseyÂin Înan daxuyanî dan çapemeniyê û her sê şoreşgeran bibîr anîn. ÎHD’ê got ew ê bi her awayî li dijî binpêkirina mafên mirovan derkevin.

	&nbsp;

	&nbsp;

	&nbsp;