18 kesên din jî ji ber şewba Covîd-19'ê jiyana xwe ji dest dane

2020-06-09 20:23:20


	 

	NAVENDA NÛÇEYAN - Li Tirkiyeyê di 24 saetên dawî de 18 kesên din jî ji ber vîrûsa coronayê jiyana xwe ji dest dane û 993 kesên din jî bi şewbê ketine. 

	 

	Wezîrê Tenduristiyê Fahrettîn Koca, daneyên der barê vîrûsa coronayê (Covîd-19) ên 24 saetên dawî de parve kirin. 

	 

	Li gor daneyên ku Koca parve kirine di 24 saetên dawî de li Tirkiyeyê 993 kesên din jî bi şewbê ketine û 18 kesên din jî jiyana xwe ji dest dane. Bi van daneyên dawî re hejmara kesên heya niha bi şewbê ketine bû 172 hezar û 114 û hejmara kesên heya niha jiyana xwe ji dest dane jî bû 4 hezar û 729.