
Li Agiriyê di 35 rojan de 6 jin bi guman mirin 

2020-06-12 15:04:21


	AGIRÎ- Hat îdîakirina ku li gundê Gêrê Şera ya navçeya Avkevir jina 21 salî Kubra Taşdemîr, di konê zozanan ê tê de diman de, daliqandî hatiye dîtin. Bi vî awayî li bajêr &nbsp;din ava 35 rojan de 6 jinan bi awayekê bi guman jiyana xwe ji dest dan.&nbsp;

	Li bajarê Agiriyê ku bi mirinên bi guman ên jinan di rojevê de ye, jinek din bi awayekê bi guman jiyana xwe ji dest da. Li gundê Gêrê Şera ya yavçeya Avkevir a Agiriyê, hat îdîakirin ku jina 21 salî Kubra Taşdemîr di saetên duh ên nîvrû de, di konê zozanan ê tê de diman de daliqandî hatiye dîtin. Ekîbên tenduristiyê yên hatin cihê bûyer cenazeyê Taşdemîr a salek bû zewicî bû, ji bo otopsiye rakirin Nexweşxaneya Erziromê &nbsp;

	&nbsp;

	Bavê jina ciwan Kerem Samanci, diyar kir ku hevjînê wê T. Taşdemîr dest danîbû ser telefona wê û ev demek dirêj bû, tu agahî jê nedigirtin. Bav Samanci, da zanîn ku keça wî ber bi întîharê ve birine.&nbsp;

	&nbsp;

	DI 35 ROJAN DE 6 MIRINÊN BI GUMAN

	&nbsp;

	&nbsp;Jina bi navê Ceylan Akpolat a li goma Şîrik a girêdayî gundê Silêman Kombel a navçeya Xamûr dijiya di 7’ê Gulanê de, &nbsp;Pakîze Oztaş a li gundê Qerexalta Jêrê ya navçeya Dutax dijiya di 9’ê Gulanê de, Guzel Koçyîgît a li gundê Elomilo ya girêdayî navenda Agiriyê dijiya di 26’ê Gulanê de, ciwana 17 salî Zana Polat a li gundê Qetka Jêrê ya navçeya Giyadîn dijiya di 4’ê Hezîranê de û jina 27 salî Hacer Ergul a li gundê Toklû Jêrîn a navçeya Avkevir dijiya jî di 11’ê Hezîranê de jiyana xwe ji dest dan. Bi vî awayî li bajêr di nava 35 rojan de, 5 jinan bi awayekê bi guman jiyana xwe ji dest da bûn. Bi mirina jina 21 salî Kubra Taşdemîr re ev hejmar gehişt 6’an.&nbsp;

	&nbsp;