
Polisan li Amedê Berdevka TJA’yê Gokkan û gelek jin binçav kirin 

2020-07-14 08:16:57


	AMED - Polîsan li Amedê di saetên serê sibê de bi ser gelek malan de girtin û Berdevka TJA’yê Ayşe &nbsp;Gokkan jî di nav de gelek jina binçav kirin.&nbsp;

	&nbsp;

	Polîsan îro di saetên serê sibê de, li navend û navçeyên Amedê bi ser gelek malan de girtin. Piştî lêgerînên di malan de hatin kirin, Berdevka Tevgera Jinên Azad (TJA) Ayşe Gokkan, Berdevka Platforma Jinên Rojnameger a Mezopotamya (MKGP) û Edîtora Jinnewsê Ayşe Guney, Hevseroka Federasyona Komeleyên Hiqûq û Piştevaniyê ya Malbatên Girtî û Hikumxarên Med (MED TUHAD-FED) Elîf Haran, Endama Komeleya &nbsp;Alîkariya Bi Malbatên Girtiyan re (TUAY-DER) Rabîa Ataş, Endama Meclîsa Şaredariya Rezanê Panayir Çelîk, Aktîvîsta TJA’yê Zekiye Guler û gelek jin hatin binçavkirin.

	&nbsp;

	Hat diyar kirin ku polîsan bi ser malên rêvebera TUAY-DER’ê Bahar Akyapi û Hevseroka HDP’ê ya Sûrê Hatûn Yildiz de jî girtin, lê ji ber ku ne li malên xwe bûn, nehatin binçav kirin.&nbsp;

	&nbsp;

	Hat dest nîşan kirin ku der barê binçavkirinan de tu agahî nehatin dayîn û jinên hatin binçavkirin birin Midûriyeta Polîsan a Amedê.

	&nbsp;