
15 sal ceza li endamên Rosayê hat birîn 

2020-12-23 16:31:36


	&nbsp;

	AMED – Li endamên Komeleya Jinan a Rosayê Gulistan Nazlier û Sevîm Çoşkûn ku derbarê wan de 2 dozên cuda hatibûn vekirin, 14 sal û 9 meh cezayê girtîgehê hat birîn.&nbsp;

	&nbsp;

	Danişîna endamên Komeleya Jinan a Rosayê Gulistan Nazlier û Sevîm Çoşkûn ku derbarê wan de bi angaşta “endamtiya rêxistinê” 2 dozên cuda hatibûn vekirin, li 9’emîn Dadgeha Cezayê Giran a Amedê hat dîtin.&nbsp;

	&nbsp;

	Gulisan Nazlier tevlî danişînê nebû û parêzerê wê Resûl Tamûr li danişînê amade bû. Di danişê de dozger di mutalaayê de li ser gotinên şahidê nepen “Ezel” &nbsp;bi angaşta “endamtiya rêxistinê” ji Nazlier re ceza xwest. Parêzerê Nazlier Tamûr li dijî mutalaayê derket û parastina muwekîla xwe kir. Piştî navberê heyeta dadgehê bi angaşta “endamê rêxistinê” 6 sal û 3 meh cezayê girtîgehê li Nazlier birî.

	&nbsp;

	Her wiha danişîna endama Rosayê Sevîm Çoşkun jî li heman dadgehê pêk hat. Heyeta dadgeha,bi angaşta “endamtiya rêxistinê” 7 sal û bi angaşta mukavemeta li polîsan jî 18 meh cezayê girtîgehê li Çoşkûn birî û biryara tehliyekirinê da.

	&nbsp;