
Jinên HDP’î bi Seroka AKPM’ê re Peymana Stenbolê axivîn

2021-03-27 12:44:55


	&nbsp;

	ENQERE - Komîsyona Dîplomasî ya Jinan a HDP’ê bi Seroka AKPM’yê Petra Bayer re civiya. Di civînê de nerazîbûn nîşanî desthilata AKP-MHP’ê hate dayîn ku ji Peymana Stenbolê vekişiyane.

	&nbsp;

	Komîsyona Dîplomasî ya Jinan a HDP’ê bi Seroka AKPM’yê Petra Bayer re bi rêya onlîne civînek lidar xistin. Ev kes tevlî civînê bûn wiha ne: Berdevka Meclîsa Jinan a HDP’ê Ayşa Acar Başaran, Berdevka Komîsyona Dîplomasî ya Jinan a HDP’ê û Hevberdevka Maseya Rojhilata Navîn Gulistan Koçyîgît, Hevberdevka Komîsyona Têkiliyên Derve ya HDP’ê Feleknas Ûca, Parlementerên HDP’ê û endamên Meclîsa Jinan dîsa Seroka Komîsyona Pêşîlêgirtina Cihêkarî û Wekheviyê ya Konseya Ewropayê (AKPM) Petra Bayer, Berdevka Jinan a Pariya Sosyalîst a Ewropayê Zîta Gurmaî, Endama Komîsyona Wekheviya Jinan û Parlemetera Partiya çep a Swêd Jallow Malcolm, Alîkara Serokê Partiya Sosyalîst a Ewropa Katrîne Skov û endama Rêveberiya Xwecihî ya Partiya Sosyalîst a Ewropa Sanchîa Alasa.

	&nbsp;

	Endamên Komeleya Jinan a Rosa û aktivîstên TJA’yê jî tevlî civînê bûn. Di civînê de Berdevka Meclîsa Jinan Ayşe Acar Başaran mafê axaftinê girt û diyar kir ku biryara vekişîna dewleta Tirk a ji Peymana Stenbolê nikarin ji polîtîkayên dijminahiya jinê ya li cîhanê cuda bigirin dest. Başaran got: “Eger em helwestek hê zelaltir raber bikin, wê bike ku desthilat di mijara Peymana Stenbolê de şunde gavê biavêje.”

	&nbsp;

	Endama Komeleya Jinan a Rosa Adalet Kaya jî, anî ziman ku di 5 salên dawî de tundiya li ser jinê zêdetir bûye. Parlementera HDP’ê ya Enqerê Fîlîz Kerestecîgolû jî bal kişand ser xebatên jinan ên li Meclîsê û got: “Em jin ji Peymana Stenbolê venekişiyane, yê vekişiyayî Erdogan e.”

	&nbsp;

	Berdevka Jinan a Partiya Sosyalîstan a Ewropa Zîta Gurmaî jî axivî û got: “Em bi jinên li Tirkiyeyê di nava piştevaniyê de ne. Biryara vekişandina ji Peymana Stenbolê ji bo hemû jinên li cîhanê biryareke bi fikar e.”

	&nbsp;

	Seroka AKPM’ê Petra Bayer jî got: “Eger ku Tirkiye dixwaze bibe endama Yekîtiya Ewropayê wê biryara vekişîna ji Peymana Stenbolê bide rakirin, partiyeke siyasî ya bi milyonan hilbijêrê wê hene, nede girtin.”&nbsp;

	&nbsp;

	Di civînê de peyama têkoşîna hevpar hat dayîn.

	&nbsp;