
Jinan danezana HDP’ê şîrove kirin: Nexşerêya jiyanek nû ye  

2021-10-03 11:08:47


	STENBOL - Jinan diyar kir ku danezana HDP’ê ya ji 11 xalan pêk tê ji bo hemû aliyên civakê xeta jiyanek nû dihûnîne û pirsgirêka kurd bi têkoşîna hevgirtî ya gelên Tirkiyê dikare were çareserkirin.&nbsp;

	Partiya Demokratîk a Gelan (HDP) di 27’ê îlonê de ji bo çareserkirina pirsgirêkên bingehîn li Tirkiyê danezanek ji 11 xalan pêk tê ku navê “Danezana Banga Demokrasî, Edalet û Aştiyê” lê kiribûn hatibû eşkerekirin. Di danezanê de ji bo çareserkirina pirsgirêka kurd, feqîrî, ekoloji, jin, ciwan û darazê pêşniyaz hatin kirin. Di danezanê de tê destnîşankirin ku hemû pirsgirêk bi têkoşînek hevpar û hemû aliyên civakî û aktor û muzakereyên siyasî re dikare were çareserkirin.&nbsp;

	&nbsp;

	Nûnerên sazî û komeleyên jinan ên li Stenbolê danezana HDP’ê nirxandin.&nbsp;

	&nbsp;

	NÊRÎNA JINAN DI DANEZANÊ DE HEYE&nbsp;

	&nbsp;

	Endama Koordînasyona Navenda Rizgariya Jinan Burcugul Çubuk diyar kir ku armanca danezanê ew e ku rêxistinkirina bindest û kesên keda wan tê xwarinê ye. Çubuk da zanîn ku nêrîna jinan di danezanê de heye û çimkî ev danezan piştevaniya jinan û mafê wan dike. Çubuk destnîşan kir ku danezan tenê ne ji bo pirsgirêka jinan ji bo pirsgirêkên ciwanan, karkeran û hemû pirsgirêkên gelên Tirkiyê pêşniyazên çareseriyek demokratîk pêşkêş dike û divê danezan hin bêtir were bihêzkirin û berfirehkirin. Çubuk anî ziman ku yek ji pirsgirêkên serek û bingehîn pirsgirêka kurd e û got: “Li gorî me çareserkirina pirsgirêka kurd dikare bi têkoşînek hevpar a gelên Tirkiyê were çareserkirin. Çimkî herî zêde şer bandora xwe li ser jinan dike. Em dizanin ku bi taybetî jinên li Kurdistan û Tirkiyê her ku diçe bi tundiya dewletê re rûbirû dimînin. Em vê li Kurdistanê ji Mûsa Orhan, Zeynel Abarakov û yên dinan dizanin. Li her devera Kurdistanê jin bi êrişên polîs û leşkeran re rûbirû dimînin. Ev tecawizkar ji aliyê dewletê ve tên parastin.”&nbsp;

	&nbsp;

	XETA JIYANA NÛ&nbsp;

	&nbsp;

	Çubuk di dewama axaftina xwe de diyar kir ku li dijî faşîzma AKP-MHP'ê helwesteke zelal hatiye nîşandan û wiha dewam kir: "Her çend piştî AKP'ê li ser baskê CHP û ÎYÎ Partiyê nîqaş hebin jî, di mijara avakirina jiyanek nû de gel ne di rojevê de ye. Lê belê, di HDP’ê de, ev ji bo ciwan, gel, jin, LGBTI+yan ne wisa ye, lê jiyanek nû tê pêşbînîkirin. Di vê wateyê de, danezana HDP'ê ne xeteke paşverû ya mîna Tifaqa Milletê ye lê îfadeya xeta jiyanê ya nû ye.”&nbsp;

	&nbsp;

	‘NEXŞERÊ YE’&nbsp;

	&nbsp;

	Ji Komeleya Dema Jinan Dilek Başalan jî destnîşan kir ku ew danezana HDP’ê erênî dibînin û nefesê dide civakê û wiha got: “Ev danezan dikare Tirkiyê ji vê aloziyê derbixe. Di asta nexşerêyê de ye. Banga HDP’ê pir nirx e. Rêya pirsgirêkan ronî dike. Armanca danezanê ew e ku em xwe bigihînin ronî û rojê. Em ji bo jinan edaleta mêran naxwazin, em ji bo jinan edaletek rasteqîn dixwazin. Heke daraz ne di bin kontrola zilamn û îqtidarê de bûya wê îro Ayşe Gokkan, Ayla Akat Ata, Sebahat Tuncel û jinên din ne girtî bûna. Dema edaleta rastî hebûya wê hevalên me bihatana berdan. Heke ev danezan li ber çavan were girtin wê dawî li mekanizmaya şer were û di encamê de wê tevahiya civakê nefesê bistîne.”&nbsp;

	&nbsp;

	MA / Esra Solîn Dal

	&nbsp;