
Coşa 8’ê Adarê berdewam dike

2022-03-05 16:41:23


	&nbsp;

	NAVENDA NÛÇEYAN - Jin li gelek &nbsp;bajaran çalakî û şahiyên 8’ê Adarê li dar xistin û banga mezinkirina têkoşîna li dijî pergala serdest a zilaman kirin.&nbsp;

	&nbsp;

	Tevgera Jinên Azad (TJA), Meclîsa Jinan a HDP’ê û rêxistinên jinan di çarçoveya 8’ê Adarê Roja Jinan a Cîhanê li gelek bajar û navçeyên bakurê Kurdistanê û Tirkiyê çalakî û şahî li dar xistin. Çalakî û şahiyên îro li Colemêrg, Amed, Wan, Riha, Êlih, Mêrdîn, Edene, Hatay, Konyayê û li gelek bajarên din hatin lidarxistin.&nbsp;

	&nbsp;

	COLEMÊRG

	&nbsp;

	Li navçeya Gevera Colemêrgê şahiya 8’ê Adarê hat lidarxistin. Gelek jin beşdar bûn. Piştî axaftinan hunermend Berfîn Aktay û Ayfer Duzdaş konser dan. Piştî konserê şahî bi dawî bû.&nbsp;

	&nbsp;

	AMED

	&nbsp;

	Meclîsa Jinan a KESK'a Amedê jî bi boneya 8'ê Adarê çalakiya ajotina duçerxan li dar xistin. Jinên endamên KESK'ê li ber avahiya Egîtîm Senê ya Jimara 2'yan a Amedê ya li semta Dîclekentê kom bûn. Parlamentera HDP'ê ya Amedê Dêrsim Dag jî beşdarî çalakiyê bû. Jin li Dîclekentê li duçerxên xwe siwar bûn û li nava bajêr geriyan. &nbsp;

	&nbsp;

	Platforma Jinan a Dîcle Amedê li navçeyên navendî yên Peyas, Sûr, Rezan û Yenîşehîr ên Amedê bi belavok belav kirin. Di belavokê de dihat gotin ku dê li dijî nîjadperestî, xizanî, şer û qetilkirina jinan, bi rengê xwe di 8’ê Adarê de li qadan bin. Jinan li van navçeyan banga tevlibûna mitînga 8'ê Adarê kirin ku dê li Qada Îstasyonê were lidarxistin.

	&nbsp;

	Di şahî û çalakiyan de jinan peyama mezinkirina berxwedan û têkoşîna li dijî pergala serdestan a zilaman da û hat destnîşankirin ku jin bi coş û kelecanek mezin dê roja 8’ê Adarê pêşwazî bikin.&nbsp;

	&nbsp;