
Kar û barên îfadegirtinê yên jinên di bin çavan de dest pê kir  

2022-03-18 11:55:35


	&nbsp;

	AMED - Kar û barên îfadegirtinê yên jinên ku di 16’ê adarê de li Amedê hatibûn binçavkirin û li Midûriyeta Emniyetê ya Amedê tên ragirtin dest pê kir.

	&nbsp;

	Di çarçoveya lêpirsîna ji hêla Serdozgeriya Komarê ya Amedê ve hatibû destpêkirin de polîsan di 16’ê adarê de li gelek bajaran bi ser malan de girtibû. Siyasetmedar, nûnerên rêxistinên civaka sivîl û rêveberên sendîqeyan jî di nav de 24 jin di encama van serdegirtinan de hatin binçavkirin.&nbsp;

	&nbsp;

	Kar û barê îfadegirtinê yê jinên ku li Midûriyeta Emniyetê ya Amedê dihatin ragirtin îro dest pê kir. Di vê çarçoveyê de îro bi tevlibûna parêzeran, îfadeyê Seroka Komeleya Jinan a Rosayê Adalet Kaya û 6 jinên din hate girtin. Li gorî agahiyan, di lêpirsînê de meşa 25’ê Mijdarê Roja Têkoşîna Navneteweyî ya li Dijî Tundiya li ser Jinan, çalakiyên ji bo protestokirina betalkirina Peymana Stenbolê û mitînga 8’ê Adarê Roja Jinan a Cîhanê ji binçavkiriyan hatine pirsîn.&nbsp;

	&nbsp;

	Tê payîn ku piştî îfadeyê dê her 7 jin jî sewqî edliyeyê bên kirin. Kar û barên îfadegirtinê yên jinên din jî berdewam e.

	&nbsp;